.gif)
.gif)
.jpg)
.png)
काठमाण्डौ । लुम्बिनी प्रदेश सरकारले ६ जिल्लामा सार्वजनिक बिदा दिएको छ । प्रदेश सरकारले थारु समूदायको अट्वारी पर्वको अवसरमा थारु समूदायको बाहुल्य रहेको ६ जिल्लामा आज सार्वजनिक बिदा दिएको हो ।
अट्वारी पर्वमा लुम्बिनी प्रदेश सरकारले दाङ, बाँके, बर्दिया, कपिलवस्तु, रुपन्देहि र नवलपरासी पश्चिममा सार्वजनिक बिदा दिएको छ ।
अट्वारी पर्व पश्चिम नेपालका थारु बाहुल्य जिल्लामा धुमधामका साथ मनाइन्छ । यो पर्वमा थारु समुदायका पुरुषहरु ब्रत बस्ने चलन छ । अट्वारी पर्वको अवसरमा हरितालिका तीजपछिको शनिबार मध्यरातमा दर (भिन्सर्या) खाएर अट्वारी ब्रतको तयारी सुरु हुन्छ । यो पर्व २ दिनसम्म मनाइन्छ ।
द्वापर युगमा पाँच पाण्डवमध्येका माहिला भाइ भीमले थारू समुदायका एक जना छोरीलाई उनीमाथि भइरहेको अत्याचारबाट मुक्त गरेको स्मरणमा आज दिनभरि भीमको नाममा व्रत बस्ने र पूजाआजा गर्ने चलन रहेको छ ।
.png)
.jpg)
.jpg)
.jpg)
.gif)
.gif)