(2).gif)
.png)
काठमाण्डौ । राष्ट्रिय ध्वजाबाहक नेपाल वायुसेवा निगमले आउँदै गरेको दशैं, तिहार र छठ पर्वलाई लक्षित गरेर आफ्नो विमानको नियमित उडान सञ्चालनबारे ६० दिने कार्ययोजना बनाउने भएको छ ।
यसका लागि निगमका नायब महाप्रबन्धक (प्राविधिक), इञ्जिनियरिङ मेन्टेनेन्स विभाग, कन्टिन्युइङ एयरवर्दिनेस विभाग, क्वालिटी एस्योरेन्स विभाग र बजार व्यवस्थापन विभागका विभागीय प्रमुखलाई विमान नियमित उडानको कार्ययोजना ल्याउन निर्देशन दिइएको छ ।
उडानलाई प्रभावकारी बनाएर यात्रुलाई सहज सेवा दिने उद्देश्यले निगमका कार्यकारी अध्यक्ष युवराज अधिकारीले २४ घण्टाभित्र ६० दिने कार्ययोजना पेसगरी तदारुकताका साथ काम गर्न विभागीय प्रमुखलाई निर्देशन दिएका छन् ।
यस्तै अत्यावश्यक र अत्यन्त जरुरीबाहेक अन्तर्राष्ट्रिय तालिम तथा भ्रमणमा नजान र मातहतका कर्मचारीलाई नपठाउन र सबै विभागका इञ्चार्ज र प्रबन्धकदेखि अन्य कर्मचारीलाई कार्यालयको काममा बाधा पर्नेगरी बिदा नलिन समेत निर्देशन दिइएको छ ।
.png)
.jpg)
