दरबारमार्ग क्षेत्रमा सवारी आवागमनमा रोक

काठमाण्डौ । दरबारमार्ग क्षेत्रमा सवारी आवागमनमा रोक लगाइएको छ । असोज ३ गते हुने संविधान दिवसका अवसरमा आयोजना गरिने कार्यक्रमका लागि मञ्च निर्माण कार्य गर्नका उक्त क्षेत्रमा सवारी आवागमनमा रोक लगाइएको हो ।

काठमाण्डौ उपत्यका ट्राफिक प्रहरी कार्यालयका अनुसार दरबारमार्गमा नागरिकस्तरबाट आयोजना हुने ‘नेशनल डे कन्सर्ट’का लागि मञ्च निर्माण भइरहेकाले सवारी आवागमन बन्द गरिएको छ ।

भोलि दिउँसो २ बजेसम्मका लागि केशरमहल चोकबाट दक्षिणगेटतर्फ जाने सवारीसाधनलाई जमलतर्फ, जयनेपाल चोकबाट दक्षिणगेटतर्फ आउने सवारीसाधनलाई कृष्ण पाउरोटीतर्फ र महेन्द्र सालिक चोकबाट दक्षिण गेटतर्फ जाने सवारीसाधनलाई घण्टाघरतर्फ ‘डाइभर्सन’ गरिएको छ ।