बोलिङ्गरको अपर ब्याण्डमा डोजी स्टार, के होला अब बजार ?

काठमाण्डौ । केही दिन यता लगातार बढेको सेयर बजारमा आज समान्य नाफा बुक देखिएको छ । दिनभरको कारोबारमा करिब ४० अंकले बढेको बजार अन्तिम समयमा झिनो अंकले बढेर बन्द भएको छ । प्राविधिक रुपमा आजको बजारलाई नियाल्दा बोलिङ्गरको अपर ब्याण्डमा ग्रेभ स्टोन डोजी बनेको छ ।  

यसले बजारमा नाफा बुक चलेको बुझिन्छ । यो क्याण्डल भनेको अनिर्णयको क्याण्डल पनि हो । यदि आगामी कारोबारमा बजारले आजको उच्च विन्दु २७८० विन्दुभन्दा माथि कारोबार भएको खण्डमा बजारको बढोत्तरीले निरन्तरता पाउन सक्ने छ । अन्यथा बजार केही समय साइडवेज पनि चल्न  सक्ने छ ।

म्याक्डीमार्फत नियाल्दा केही समय पहिले बनेको बुलिस क्रसओभर भ्यालिड नै रहेको छ भने हिस्टोग्राम सकरात्मक र लामा–लामा हुँदै गएका छन् । आरएसआइ ५९ को तहमा चलेको छ । समग्रमा सबै इन्डिकेटरबाट नियाल्दा बजार बुलिस नै रहेको छ ।  

आजको कारोबारमा भोल्युम तथा कारोबार बढ्नु सकरात्मक नै रहेको छ । पिभटमार्फत नियाल्दा २७८०, २८६० तथा ३०२१ विन्दुमा प्रतिरोध सामना गर्न सक्छ । त्यसैगरि, घटेमा २७२२, २६५२ र २५९८ विन्दुमा क्रमशःसपोर्ट लिन सक्नेछ ।  

नोटः सेयर बजारमा लगानी जोखिमपूर्ण हुन्छ, यो विश्लेषण कारोबारका लागि सिफारिस भने होइन ।