अपर ब्याण्डमा प्रतिरोध सामना गरेको बजार ‘मनी फ्लो इन्डेक्समा ‘बुलिस डाईभर्जेन्स’

काठमाण्डौ । साताको पहिलो कारोबारमा आज बजार सामान्य अंकले बढेर बन्द भएको छ । आज बजार सामान्य बढ्दा कारोबार भने गत भदौ १८ पछिकै उच्च भएको छ । गत भदौ १८ गते १३ अर्ब ५७ करोड कारोबार पछि आज ११ अर्ब ७२ करोडको कारोबार भएको छ ।  

यसले बजारमा विस्तारै भोल्युममा भने सुुधार भएको देखिन्छ । बोलिङ्गर ब्याण्डमार्फत हेर्दा बजारले आजसम्म ३ पटक अपर ब्याण्डमा प्रतिरोध सामाना गरेको देखिन्छ । अर्थात बजार अपर ब्याण्डसँग हिड्न नसको देखिन्छ । आज अपर ब्याण्डमा ग्रेभ स्टोन डोजी बनेको छ ।  

यदि आगामी दिनमा बजारले २ हजार ७८२ विन्दुभन्दा मााथि लागेमा यो इन्भ्यालिड पनि हुन सक्छ । म्याक्डीमार्फत नियाल्दा बजारमा केही समय पहिले बनेको बुलिस क्रसओभर भ्यालिड नै रहेको छ । हिस्टोग्राम सकारात्मक नै रहेका छन् तर केही फिक्का बन्दै गएका छन् ।  

आरएसआई ५९ को तहमा चलेको छ भने मनी फ्लो इन्डेक्स ६७ को तहमा पुगेको छ । अर्थात बजार मनी फ्लो इन्डेक्समा बुलिस डाइभर्जेन्स बनेको देखिन्छ । पिभट् मार्फत हालको बजारलाई नियाल्दा अबको प्रतिरोध क्रमशः २७९७,२८४६ र २९०५ विन्दुमा रहेको छ । त्यसैगरि घटेमा भने २७४० ,२६९० र २६५० विन्दुमा लिन सक्छ ।  

नोटः सेयर बजारमा लगानी जोखिमपूर्ण हुन्छ । यो बिश्लेषण कारोबारका लागि सिफारिस भने होइन ।