साइडवेजमा चलेको बजारको अबको सम्भावना कस्तो ?

काठमाण्डौ । आज १३ अंकले घट्दा बजारमा ७ अर्बबराबरको कारोबार भएको छ । अघिल्लो कारोबारको तुलनामा आज सूचक र कारोबार दुबै घटेको देखिन्छ । पछिल्लोपटक बजार २६ सयको विन्दुदेखि २८ सय आसपासमा साइडवेज चलेको देखिन्छ । ट्रेन्ड लाइनको आधारमा त बजारमा  बिक्री दबाब देखिन्छ ।  

बोलिङ्गर ब्याण्ड मार्फत नियाल्दा बजार मध्य ब्याण्ड भन्दा तल खसेको देखिन्छ । म्याक्डीमा वियरिस क्रसओभर बनेको देखिन्छ । आरएसआई ४६ को तहमा चलको छ । समग्रमा तीन वटै इन्डिकेटरबाट नियाल्दा बजारमा बिक्री दबाब परेको देखिन्छ । पिभट् मार्फत नियाल्दा बजारले आज २६६७ विन्दुमा बन्द भएको बजारले अब २६४१ , २६०३ र २५५० विन्दुमा क्रमशः सपोर्ट लिन सक्छ ।  

त्यसैगरि, बढेमा २७१४,२७५३ र २८०० विन्दुमा प्रतिरोध सामाना गर्न सक्छ । केही दिन देखि घटेको बजारमा आगामी कारोबारमा  २६३० देखि २६४० विन्दु आसपासबाट एउटा रिभर्सल आउन सक्ने सम्भावना भने रहन्छ । तर त्यसको दीगोपन के कस्तो रहन्छ भन्ने अगामी दिनकै बजारबाट मात्रै निर्क्यौल गर्न सकिने छ ।  

नोटः सेयर बजारमा लगानी जोखिमपूर्ण हुन्छ । यो बिश्लेषण कारोबारका लागि सिफारिस भने होइन ।