आजसम्म कायम सेयरधनीले स्ट्याण्डर्ड चाटर्ड बैंकको लाभांश पाउने

काठमाण्डो । स्ट्याण्डर्ड चाटर्ड बैंकद्वारा गत आवका लागि प्रस्तावित लाभांश सुरक्षित गर्ने आज अन्तिम दिन रहेको छ । लाभांश वितरण तथा साधारण सभा प्रयोजनाका लागि बैंकले मंसिर १२ गते बुक क्लोज गर्दैछ ।  

यसर्थ आजसम्म नेप्सेमा कारोबार भई कायम भएका सेयरधनीहरु मात्रै बैंकद्वारा प्रस्तावित लाभांश पाउन र साधारण सभामा सहभागी हुन योग्य हुनेछन् । बैंकले आर्थिक वर्ष २०८०/८१ का लागि ६.५० प्रतिशत बोनस सेयर र १९ प्रतिशत नगद लाभांश(करसहित) गरी कुल २५.५० प्रतिशत लाभांश प्रदान गर्ने निर्णय गरेको छ ।  

बैंकद्वारा प्रस्तावित लाभांश आगामी मंसिर २५ गते आयोजना हुने ३८ औं वार्षिक साधारण सभाबाट पारित गरी वितरण गरिनेछ ।