मितेरी डेभलपमेन्ट बैंकको सीईओमा अनन्त चापागाँई, सञ्चालकमा दाहाल नियुक्त

काठमाण्डौ । मितेरी डेभलपमेन्ट बैंकको प्रमुख कार्यकारी अधिकृत(सीईओ)मा अनन्त चापागाँई नियुक्त भएका छन् । बैंकको मंसिर १५ गते बसेको सञ्चालक समितिको बैठकले चापागाँईलाई सीईओ नियुक्त गर्ने निर्णय गरेको हो ।  

उनलाई माघ १ गतेदेखि लागू हुनेगरी आगामी ४ वर्षका लागि सीईओ नियुक्त गरिएको बैंकद्वारा जारी सूचनामा उल्लेख गरिएको छ ।  

यस्तै सोही दिन बसेको बैठकले बैंकको सञ्चालकमा रमेश दाहाललाई बाँकी कार्यकालका लागि सञ्चालक नियुक्त गर्ने निर्णय गरेको छ । उनी सर्वसाधारण सेयरधनीका तर्फबाट सञ्चालक नियुक्त भएका हुन् ।