बिट्क्वाइनमा भारी गिरावट, एकैदिन १०% ले घट्यो

काठमाण्डौ । विश्व बजारमा बिट्क्वाइनको मूल्यमा भारी गिरावट आएको छ । शुक्रबार यो समाचार तयार पार्दासम्म बिट्क्वाइनको मूल्य ९ प्रतिशतले घटेको छ ।  

सीएनबीसीका अनुसार आज प्रतिक्वाइन मूल्य १ लाख २ हजार डलरबाट खसेर ९२ हजार ३४० डलरमा कारोबार भईरहेको छ । यो साता बिट्क्वाइनको मूल्य हालसम्मकै उच्च अर्थात १ लाख ८ हजार डलरसम्म पुगेको थियो ।  

उच्च विन्दुमा पुगेएता बिट्क्वाइनको मूल्य निरन्तर घटिरहेको छ । आज अन्य डिजिटल करेन्सिमा इथरको मूल्य ७ प्रतिशत, सोलोनाको ६.५५ प्रतिशत र डोजक्वाइनको १२ प्रतिशतले घटेको छ । यसरी क्रिप्टोकरेन्सिमा भारी गिरावट आउनुमा युएस फेडरल रिजर्भ बैंकले लिएको नीतिमा लगानीकर्ताहरु त्रसित हुनु मुख्य कारण हो ।  

अमेरिकामा डोनाल्ड ट्रम्पले चुनाव जितेपछि विश्व बजारमा बिट्क्वाइनको मूल्य बढेको थियो । ट्रम्पले आफू राष्ट्रपति निर्वाचित भए क्रिप्टोकरेन्सीमैत्री नीति लिने घोषणा गरेका थिए ।