अमेरिकी सेयर बजारका लागि कस्तो रह्यो यो वर्ष ? कुन सेक्टरका कम्पनीमा देखियो आकर्षण ?

काठमाण्डौ । सन् २०२४ मा अमेरिकी सेयर बजारमा हरियाली छाएको छ । यो वर्ष ३ वटै अमेरिकी सेयर बजारमा बढेका छन् ।  

यो वर्ष डाउ जोन्स इ्रन्डस्ट्रियल एभरेज २३.८ प्रतिशतले बढेको छ भने एस एण्ड पी५०० र नास्डक कम्पोजिट क्रमशः१३ र २९.८ प्रतिशतले बढ्यो ।  

एआई कम्पनीहरुमा देखिएको आकर्षण र भविष्यमा एआईले कम्पनीहरुको उत्पादकत्वप्रति लगानीकर्ता सकारात्मक बन्दा यो वर्ष अधिकांश अमेरिकी टेक कम्पनीहरुको सेयरमूल्यमा उछाल आएको छ । यो वर्ष एनभिडिया र एप्पल जस्ता टेक कम्पनीहरुको सेयरमूल्यमा उछाल आएको छ ।  

अमेरिकी केन्द्रीय बैंकले ब्याजदरमा गरेको कटौतीका कारण समेत कम्पनीहरुको सेयरमूल्यमा सकारात्मक प्रभाव देखिएको छ । गत सेप्टेम्बरदेखि अमेरिकी केन्द्रीय बैंकले १०० बेसिक प्वइन्टले ब्याजदर कटौती गरिसकेको छ । सन् २०२५ मा समेत थप कटौतीको अपेक्षा गरिएको छ ।  

यो वर्षको अन्तिम कारोबार दिन भने सोमबार भने अमेरिकी सेयर बजारमा गिरावट आएको छ । यो दिन डाउ जोन्स ४१८ अंकले घटेको छ । यस्तै एसएण्ड पी५०० पनि १ प्रतिशतभन्दा बढीले घटेको छ ।  

यो दिन नास्डक पनि १.१९ ले ओरालो लागेको छ ।