डलरको भाउ हालसम्मकै उच्च, आज कुन विदेशी मुद्राको विनिमयदर कति ?

काठमाण्डौ । नेपाल राष्ट्र बैंकले आज(पुस २३ गते)का लागि विदेशी मुद्राको विनिमयदर सार्वजनिक गरेको छ । जसअनुसार आज एक अमेरिकी डलरको खरिददर १३७.०३ रुपैयाँ र बिक्रीदर १३७.६३ रुपैयाँ कायम भएको छ ।  

यो मूल्य हालसम्मकै उच्च हो । यसअघि गत पुस २० गते डलरको भाउ हालसम्मकै उच्च थियो । त्यसदिन प्रतिडलरको बिक्रीदर १३७.५४ रुपैयाँ कायम थियो ।    

यस्तै, आज एक यूरोको खरिददर १४२.६८ रुपैयाँ र बिक्रीदर १४३.३१ रुपैयाँ निर्धारण भएको छ। एक पाउण्ड स्टर्लिङको खरिददर १७१.७८ रुपैयाँ र बिक्रीदर १७२.५३ रुपैयाँ कायम भएको छ ।  

यसैगरी, एक अष्ट्रेलियन डलरको खरिददर ८६.०८ रुपैयाँ र बिक्रीदर ८६.४५ रुपैयाँ रहेको छ ।

१० जापानी येनको खरिददर ८.७१ रुपैयाँ र बिक्रीदर ८.७५ रुपैयाँ,एक युएई डिरामको खरिददर ३७.३१ रुपैयाँ र बिक्रीदर ३७.४७ रुपैयाँ, एक चिनियाँ युआनको खरिददर १८.७१ रुपैयाँ र बिक्रीदर १८.७९ रुपैयाँ ,एक मलेसियन रिंगेटको खरिददर ३०.३८ रुपैयाँ र बिक्रीदर ३०.५१ रुपैयाँ, एक कतारी रियालको खरिददर ३७.५९ रुपैयाँ र बिक्रीदर ३७.७५ रुपैयाँ, १०० कोरियन वनको खरिददर ९.४० रुपैयाँ र बिक्रीदर ९.४४ रुपैयाँ र एक कुवेती डिनारको खरिददर ४४४.५९ रुपैयाँ र बिक्रीदर ४४६.५४ रुपैयाँ कायम भएको छ ।