.gif)
_(1).gif)
काठमाण्डौ । नेपाल बीमा प्राधिकरणले अर्थमन्त्रालयको निर्देशन लत्याई भित्रभित्रै दुई पुनर्बीमा कम्पनीहरुको चुक्तापुँजी बृद्धि गर्ने प्रक्रिया अघि बढाएको छ ।
अर्थमन्त्रालय स्रोतका अनुसार अर्थमन्त्री डा. प्रकाशशरण महत र अर्थसचिव डा. कृष्णहरि पुष्करले पुनर्बीमा कम्पनीहरुको चुक्तापुँजी बढाउन आवश्यक नरहेको बताउँदै पुँजी बृद्धि सम्बन्धी निर्णय तत्काल फिर्ता लिन प्राधिकरणलाई मौखिक निर्देशन दिएका थिए ।
प्राधिकरणले भने अर्थमन्त्रालयको निर्देशन पालना नगरी अघि बढिसकेको प्रक्रिया फिर्ता लिन नमिल्ने जानकारी दिएको छ ।
(1).gif)
बीमा प्राधिकरणले नेपाल रि र हिमालयन रि इन्स्योरेन्सलाई एक वर्षभित्र २० अर्ब चुक्तापुँजी पुर्याउन क्यापिटल प्लान पेश गर्न निर्देशन दिएको थियो ।
प्राधिकरण बोर्डले गत माघ १७ गते दुईवटै पुनर्बीमा कम्पनीलाई एक वर्षभित्र अथवा २०८१ माघ १७ गतेसम्म २० अर्ब पुँजी पुर्याउन भनि १५ दिनभित्र क्यापिटल प्लान मागेको थियो ।
सोहीअनुसार हिमालयन रि इन्स्योरेन्सले पुँजी बृद्धि योजना प्राधिकरणमा पेश गरेको उप–निर्देशक तथा कानून शाखा प्रमुख शाम्भाराज लामिछानेले बताए ।
उनकाअनुसार हिमालयन रि ले १०ः८ अर्थात ८० प्रतिशत हकप्रद जारी गर्ने र अपुग रकम आर्थिक वर्ष २०८०÷८१ को लागि बोनस सेयर वितरण गरेर तोकिएको पुँजी पुर्याउने योजना पेश गरेको छ ।
बीमा नियामक निकाय नेपाल बीमा प्राधिकरणका उच्च पदस्थ पदाधिकारीहरुकै मिलेमतोमा हिमालयन रि इन्स्योरेन्सलाई हकप्रद जारी गर्न दिने बुझिएको छ ।
हिमालयन रि इन्स्योरेन्सले क्यापिटल प्लान पेश गरिसकेको बताएपनि प्राधिकरणका कार्यकारी निर्देशक तथा प्रवक्ता राजुरमण पौडेलले भने आफूलाई सोबारे कुनै पनि जानकारी नभएको बताए । क्यापिटल प्लान बारे सम्बन्धित कम्पनीका सीईओहरुसँगै सम्पर्क गर्न भनी उनी बोल्न चाहेनन् ।
प्राधिकरणका स्रोतअनुसार हिमालयन रि इन्स्योरेन्सले पुँजी बृद्धि योजना पेश गरिसकेको छ, भने नेपाल रि इन्स्योरेन्सले हालसम्म कुनै योजना पेश गरेको छैन । नेपाल पुनर्बीमा कम्पनीलाई निर्णय लिन थप समय लाग्ने भन्दै १५ दिन समय मागेको प्राधिकरणले जनाएको छ ।
यसअघि पुनर्बीमा कम्पनीको पुँजी बृद्धि प्रक्रिया अघि बढाउने वा नबढाउने भन्ने विषयमा अर्थमन्त्रालय र प्राधिकरण बोर्ड बैठकबीच छलफलपछि मात्रै तय हुने अर्थ स्रोतले बताएको थियो ।
तर छलफल नहुँदै प्राधिकरणले भने दुई पुनर्बीमा कम्पनीलाई पुँजी बृद्धि योजना पेश गर्न निर्देशन दिइरहेको छ । जसअनुसार हिमालयन रि इन्स्योरेन्सले हकप्रद र बोनसमार्फत पुँजी पुर्याउने योजना पेश गरेको छ, भने नेपाल रिले हालसम्म कुनै योजना पेश गरेको छैन ।
.gif)
.png)
.jpg)
.jpg)
.gif)
(1).gif)
.gif)
