बुद्धभूमि जलविद्युतको सेयर ‘बुलिस सेन्टिमेन्टमा’, कतिसम्म पुग्ला सेयर भाउ ?

काठमाण्डौ । बुद्धभूमि नेपाल हाइड्रो कम्पनी नेपालका साना तथा मझौला जलविद्युतमध्येको एक हो । यो कम्पनी सन् २०१७ मा नुवाकोट जिल्लामा स्थापित ५ मेगावटाको कम्पनी हो । कम्पनीले हाल नेपाल विद्युत नियमन आयोगबाट एकबराबर एक हकप्रद निष्कासनका लागि अनुमति पाएको छ ।  

आधारभूत पक्षः  

गत आर्थिक वर्षको पहिलो त्रैमासिक प्रतिवेदन अनुसार कम्पनीको चूक्तापूँजी ४० करोड रुपैयाँ रहेको छ भने कम्पनीको जगेडा कोषमा ६ करोड २१ लाख ९३ हजार नेगेटिभ रहेको छ । यो सँगै कम्पनीको कुल पूँजी ३३ करोड ७८ लाख रुपैयाँ रहेको छ । कम्पनीको खुद मुनाफा १ करोड १३ लाख नेगेटिभ रहेको छ भने प्रतिसेयर आम्दानी ११.३७ रुपैयाँ नेगेटिभ रहेको छ । कम्पनीको बुक भ्यालु ८४.४५ रुपैंयाँ मात्रै रहको छ ।  

प्राविधिक पक्षः  

इलिअट वेभमा विभिन्न डिग्रीहरु हुने गर्छन् । त्यस्ता डिग्रीहरुले सानाठूला गरेर एकदिनदेखि एकसय वर्षसम्मको समय अवधिलाई प्रतिनिधित्व गर्छन् । इलिअट वेभमा मूल्य माथि जान पाँच फरक–फरक वेभ हुन्छन् भने तल जान ३ वेभ हुन्छन् ।  

माथि लाग्ने पाँच वेभमा पनि तीनवटा बढोत्तरीका र २ वटा सुधारका देख्न सकिन्छ । यसमा १, ३, ५ बढोत्तरीको हुन्छ भने २ र ४ मा करेक्सनको हुन्छ । वेभ ५ को करेक्सन वेभ ‘ए’ हो । वेभ ‘ए’, ‘बी’, ‘सी’ले मूल्य तथा सूचक तल जाने संकेत दिन्छ ।

यो आधारमा यो कम्पनीको सेयर वेभ १ मा ४५२ देखि ६०२ रुपैयाँसम्म , वेभ २ मा करेक्सन भएर ४६० रुपैयाँसम्म , हाल वेभ ३ को बढोत्तरीमा साथ ६९३  सम्म , र वेभ ४ मा पुनः करेक्सन भएर ६०२ सम्म , र वेभ पाँचमा यो कम्पनीको सेयर भाउ ८३२ सम्म पुग्न पनि सक्छ ।  

फियर एण्ड ग्रिड इन्डेक्स  

फिएर एण्ड ग्रिड इन्डेक्समा यो कम्पनी हाल बुलिस सेन्टिमेन्टमा चलेको देखिन्छ । यदि फियर एण्ड ग्रिड इन्डेक्समा ० देखि २० सम्म भएमा स्ट्रङ बियरिस , २० देखि ४० भएमा वियरिस , ४० देखि ६० भएमा न्यूट्रल सेन्टिमेन्ट, ६० देखि ८० सम्म बुलिस र ८० देखि १०० सम्म स्ट्रङ बुलिस मानिन्छ । यो कम्पनी हाल ६० देखि ८० को तहमा बुलिस सेन्टिमेन्टमा चलेको देखिन्छ । कम्पनीको ५२ साताको उच्च मूल्य ७४२ र न्यून मूल्य ३८८ सम्म आएको देखिन्छ ।  

बोलिङ्गर ब्याण्ड , म्याक्डी र आरएसआईको आधारमा  

बोलिङ्गर ब्याण्डको आधारमा यो कम्पनी हाल अपर ब्याण्डमा चलेको र रातो क्याण्डल बनेको छ । यसले कम्पनीको सेयरमा केही बिक्री दबाब परेको देखिन्छ । यदि आगामी दिनमा कम्पनीको सेयरमा अझै बिक्री दबाब परेको खण्डमा मध्य ब्याण्ड ५सयसम्म आउन पनि सक्छ । म्याक्डीमा यसअघि नै बनेका बुलिस क्रसओभर भ्यालिड नै रहेका छन् भने आरएसआई ५६ को न्यूट्रल तहमा चलेको छ । समग्रमा सबै इन्डिकेटरबाट नियाल्दा कम्पनीको सेयर भाउ हाल साइडवेज चलेको देखिन्छ ।  

पिभट् प्वइन्टः  

पिभट विश्लेषणमार्फत सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।  

बढेमा प्रतिरोध  

प्रतिरोध ३ – ५८८

प्रतिरोध २ – ५६१

प्रतिरोध १–  ५१०

पिभट् प्वइन्टः ४८३

घटेमा सपोर्ट  

सपोर्ट १– ४३२

सपोर्ट २– ४०५

सपोर्ट  ३ –३५४

निष्कर्षः बुद्धभूमि नेपाल जलविद्युत कम्पनी आधारभूत रुपमा ठीकै देखिन्छ । कम्पनीको प्रतिसेयर आम्दानी र बुक भ्यालु नकारात्मक देखिन्छ । रिर्टन अन इक्विटी पनि खासै सन्तोषजनक देखिदैन । प्राविधिक रुपमा यो कम्पनी फियर एण्ड ग्रिडमा बुलिस सेन्टिमेन्टमा चलेको छ । यसको अर्थ कम्पनीमा लगानीकर्ताको आकर्षण रहेको रहेको बुझिन्छ । इलिअट वेभको आधारमा कम्पनीको मूल्यले हाल बनाएको चक्रलाई नियाल्दा एकदेखि पाँच वेभ बनाउँदा ६ सय माथि सम्म पूग्न सक्छ ।  

नोटः सेयर बजारमा लगानी जोखिमपूर्ण हुन्छ । यो विश्लेषण कारोबारका लागि सिफारिस भने होइन ।