जोशी हाईड्रोपावरको साधारण सभा स्थगित, अब कहिले आयोजना हुँदैछ ?

काठमाण्डौ । जोशी हाईड्रोपावर लिमिटेडको दुई आर्थिक वर्षको साधारण सभा स्थगित भएको छ । यही माघ १५ गते काठमाण्डौको सुकेधारामा रहेको सेलिब्रेशन हाइटमा बिहान १० बजेदेखि सुरु हुने तय भएको नवौं र दशौं साधारण सभा एथगित भएको हो ।  

सभा सञ्चालनका लागि गणपूरक संख्या नपुगेका कारण साधारण सभा एगित गर्नुपरेको कम्पनीले एक सूचना जारी गर्दै जनाएको छ । अब उक्त सभा यही माघ २४ गते काठमाण्डौको सुकेधारामा रहेको सेलिब्रेशन हाइटमा बिहान १० बजेदेखि आयोजना गर्ने कम्पनीले जनाएको छ ।  

उक्त सभामा लाभांशसँग सम्बन्धित कुनै पनि प्रस्ताव पेश हुनेछैन ।  सभामा सञ्चालक समितिको अर्थिक वर्ष २०७९/८० र २०८०/८१ को वार्षिक प्रतिवेदन पारित गर्ने ,आव २०७९/८०२ र २०८०/८१ को लेखापरीक्षण प्रतिवेदन उपर छलफल गरी सो लाई आगामी साधारण सभामा पेश गर्ने, आव २०८१/८२ को लागि लेखापरीक्षकको नियुक्ति र निजको पारिश्रमिक निर्धारण गर्ने, आव २०७९/२०८० र २०८०/८१ को विवरण पारित गर्ने, कम्पनीमा रिक्त रहेको १ जना महिला सहित ३ जना सञ्चालकको निर्वाचन गर्ने प्रस्ताव समेत पारित गरिनेछ ।  

 

साधारण सभा प्रयोजनका लागि कम्पनीले माघ ३ गते एक दिनका लागि बुक क्लोज गरिसकेको छ । यसर्थ माघ २ गतेसम्म नेप्सेमा कारोबार भई काउम भएका सेयरधनीहरु मात्रै कम्पनीको साधारण सभामा सहभागी हुन योग्य हुनेछन् ।