फिनटेक अलायन्स नेपालले प्राप्त गर्‍यो एशिया फिनटेक अलायन्स को सदस्यता

काठमाण्डौ । फिनटेक अलायन्स नेपाल(फ्यान)ले एशिया फिनटेक अलायन्स (एएफए)को सदस्यता प्राप्त गरेको छ । नेपालमा फिनटेक इनोभेसन र डिजिटल वित्तीय समावेशीकरणका लागि भूमिका निर्वाह  गरिरहेको फिनटेक अलायन्स नेपालले एएफए)को सदस्यता प्राप्त गरेको हो ।  

एशिया फिनटेक अलायन्स नेटवर्क भित्र एशियाभरका प्रख्यात फिनटेक एसोसिएसनहरूसँग एउटै मंचबाट हातेमालो गर्दै सहकार्य गर्न पाउँदा हर्षित भएको फ्यान)ले जनाएको छ। यो साझेदारीले नेपाली फिनटेक कम्पनि र यो क्षेत्रमा आवद्ध प्रोफेसनलहरूको एशिया प्रशान्त क्षेत्र का फिनटेक संघ–संस्थाहरुसँग  सहकार्य र साझेदारी  बढाउन, उत्कृष्ट अभ्यासहरू साझेदारी गर्न र सामूहिक वृद्धिलाई अगाडि बढाउन सहज हुने फ्यानले जनाएको छ ।  

एशिया फिनटेक गठबन्धनले सिंगापुर, दक्षिण कोरिया, जापान, फिलिपिन्स, ताइवान, इन्डोनेसिया, हङकङ, मलेसिया, थाइल्यान्ड, मङ्गोलिया र अहिले नेपाल जस्ता प्रमुख बजारहरूबाट फिनटेक एसोसिएसनहरूको विविध समूहलाई एकसाथ ल्याउँने काम गर्छ ।  

ू‘हामी एशिया फिनटेक गठबन्धनमा सामेल हुन पाउँदा र एशियाभरका सम्मानित फिनटेक संघहरूसँग सहकार्य गर्न पाउँदा अत्यन्त सम्मानित महसुस गरिरहेका छौ । फ्यानका अध्यक्ष सञ्जीब सुब्बाले भने,‘यो साझेदारी नेपालमा फिनटेक नवप्रवर्तन र डिजिटल वित्तीय समावेशीकरणको हाम्रो दृष्टिकोणसँग मिल्दोजुल्दो छ, र हामी एसियाली फिनटेक समुदायको सामूहिक वृद्धिमा योगदान गर्न पाउँदा उत्साहित छौ ।’

फिनटेक एलायन्स नेपाल नेपालमा फिनटेक नवप्रवर्तन, उद्यमशीलता र डिजिटल वित्तीय समावेशीकरणलाई प्रवर्द्धन गर्न समर्पित एक फिनटेक संगठन हो ।