ट्रम्पले संसदको संयुक्त सत्रलाई सम्बोधन गर्दा हंगामा, डेमोक्र्याट सदस्यहरुले गरे बहिष्कार

काठमाण्डौ । अमेरिकी राष्ट्रपति डोनाल्ड ट्रम्पले आज संसदको संयुक्त सत्रलाई सम्बोधन गर्दैछन् । ट्रम्पको दोस्रो कार्यकालको यो पहिलो संयुक्त सत्र हो ।  

ट्रम्पले सम्बोधन गर्दै गर्दा रिपब्लिकन र डेमोक्र्याट बीचको तनाव सतहमा देखिएको छ । ट्रम्पले आफ्नो चुनावी जितको तारिफ गर्दै डेमोक्र्याटको आलोचना गरिरहेको बेला डेमोक्र्याट सदस्यहरूले नाराबाजी गर्न थाले ।

भाषण सुरु गरेको केही समयपछि ट्रम्प बीचमै रोकिनुपर्‍यो र स्पिकरले ट्रम्पलाई चिच्याइरहेका सिनेटर अल ग्रीनलाई बाहिर निकाल्न आदेश दिए। ग्रीन बिस्तारै सदनबाट बाहिर निस्किए। त्यसपछि ट्रम्पले आफ्नो भाषण जारी राखे।

तर, प्रतिनिधिसभाका धेरै डेमोक्र्याट सदस्यले आफ्नो टिसर्ट र ब्लेजरमा ‘प्रतिरोध’ लेखेका थिए र सम्बोधन बहिष्कार गर्दै सदनबाट बाहिरिएका थिए । उनीहरुले ‘जनतामा सुरक्षाको भावना जगाउन पहिलो दिनदेखि एक सय कार्यकारी आदेश र चार सयभन्दा बढी प्रशासनिक निर्णय भएको बताए ।  

ट्रम्पले आफ्नो कार्यकालको पहिलो दिनलाई अमेरिकी राष्ट्रपतिको कार्यकालको इतिहासमा सबैभन्दा सफल दिन भएको दाबी गरेका छन् । आफूले पदभार ग्रहण गरेलगत्तै दक्षिणी सीमामा संकटकाल घोषणा गरेको र एक महिनाभित्रै गैरकानुनी सीमा नाका इतिहासमै सबैभन्दा कम भएको उनले बताए ।

ट्रम्पले आफूले पाँचौं पटक कांग्रेसलाई सम्बोधन गरिरहेको र डेमोक्र्याटिक सदस्यहरूलाई मिलेर काम गर्न अपिल गरेको बताए। ट्रम्पले वाक स्वतन्त्रतामा जोड दिदै ट्यारिफ लगाउने निर्णयको खुलेर बचाव गरेका छन् ।  राष्ट्रपति ट्रम्पले फेरि भारत,ची,क्यानडा र मेक्सिको लगायतका देशलाई निशाना बनाएका छन् र अप्रिल २ देखि पारस्परिक कर लगाउने घोषणा गरेका छन्।

उनले भने, ‘चीन, भारत, ब्राजिल, मेक्सिको र क्यानडालगायत धेरै देशले हामीभन्दा धेरै बढी कर लगाउँछन्।’