कच्चा तेलको मूल्यमा गिरावट, प्रतिब्यारेल कति ?

काठमाण्डौ । अन्तर्राष्ट्रिय बजारमा कच्चा तेलको मूल्यमा गिरावट आएको छ । पछिल्लो कारोबारमा ब्रेन्ट क्रुड र डब्लूटीआ्रई क्रुडको मूल्यमा गिरावट आएको हो ।  

ब्रेन्ट क्रुडको मूल्य ०.५४ प्रतिशत अर्थात ०.४० डलरले घटेको छ । ब्रेन्ट क्रुडको कारोबार प्रतिब्यारेल ७३.६३ डलरमा भईरहेको छ । यस्तै डब्लुटीआई क्रुडको मूल्य ०.८० प्रतिशत अर्थात ०.५६ डलरले घटेको छ । यो गिरावटसँगै डब्लुटीआई क्रुडको प्रतिब्यारेल ६९.३६ डलर कायम भएको छ ।  

अमेरिकाले आफ्ना व्यापार साझेदार राष्ट्रहरुमाथि आगामी अप्रिल २ देखि ट्यारिफ लगाउने बताएसँगै विश्व आर्थिक मन्दीको चपेटामा फस्ने डरका कारण कच्चा तेलको मूल्य खस्किएको जनाइएको छ ।  

साप्ताहिक रुपमा हेर्ने हो भने ब्रेन्ट क्रुड र डब्लूटीआई क्रुडको मूल्य बढेको छ । ब्रेन्ट क्रुडको मूल्य साप्ताहिक रुपमा १.९ प्रतिशत र डब्लूटीआई क्रुडको १.६ प्रतिशतले बढेको छ ।  

गत साता ट्रम्पले भेनेजुएलाबाट तेल खरिद गर्ने देशहरुलाई २५ प्रतिशत ट्यारिफ लगाउने घोषणा गरेका थिए । यो निर्णयले भेनेजुएलाको कच्चा तेल उत्पादन प्रतिदिन २ लाख ब्यारेलले घट्ने अनुमान गरिएको छ ।