सुनको मूल्यले बनायो नयाँ रेकर्ड, कति पुग्यो भाउ ?

काठमाण्डौ । आज नेपाली बजारमा सुनको मूल्यले फेरि नयाँ रेकर्ड कायम गरेको छ । आज सुनको मूल्य प्रतितोला ६ सय रुपैयाँले बढ्दै हालसम्मकै उच्च कायम भएको हो ।  

नेपाल सुनचाँदी व्यवसायी महासंघका अनुसार आज सुनको मूल्य प्रतितोला १ लाख ७६ हजार ८ सय रुपैयाँ कायम भएको छ ।  

यसअघि गत चैत १५ गते सुनको मूल्य हालसम्मकै उच्च कायम भएको थियो । त्यसदिन सुनको मूल्य १४ सय रुपैयाँले बढ्दै प्रतितोला १ लाख ७६ हजार २ रुपैयाँ कायम भएको थियो ।  

आज चाँदीको मूल्य भने घटेको छ । आज चाँदीको मूल्य १५ रुपैयाँले घट्दै प्रतितोला २ हजार २५ रुपैयाँ कायम भएको छ ।