काठमाण्डौ । अमेरिकामा विद्यार्थीहरुको भिसा आवेदन अस्वीकृत हुनेदर एक दशककै उच्च पुगेको छ । सन् २०२३/२४ को वित्त वर्षमा ४१ प्रतिशत एफ–वान विद्यार्थी भिसा आवेदन अस्वीकृत भएको हो ।
अक्टोबर १, २०२३ देखि सेप्टेम्बर ३०, २०२४ को अवधिसम्म परेको कुल ६ लाख ७९ हजार एफ–वान भिसा आवेदनमा २ लाख ७९ हजार आवेदन अस्वीकृत भएको छ । जुन अघिल्लो आवमा अस्वीकृत भएको २ लाख ५३ हजारको तुलनामा बढी हो । उक्त वर्ष ३६ प्रतिशत भिसा आवेदन अस्वीकृत भएको थियो ।
सन् २०२३/२४ मा अस्वीकृत भएको भिसा आवेदनको संख्या सन् २०१४ पछिकै उच्च हो । सन् २०१४/१५ को आर्थिक वर्षमा अमेरिकाले ८ लाख ५६ हजार विद्यार्थीको भिसा आवेदन अस्वीकृत गरेको थियो । त्यसपछिका वर्षहरुमा भने यो दरमा कमी आउदै गरेको थियो । सन् २०१९÷२० अर्थात कारोना कालमा आईपुग्दा यो संख्या १ लाख ६२ हजारमा सीमित बनेको थियो ।
एफ–वान भिसा विद्यार्थीहरुलाई प्रदान गरिने गैर–आवासिय भिसा हो । जसले विद्याथीहरुलाई अमेरिकामा अस्थाई रुपमा बस्न, अनुमति दिने गर्छ ।