भारतमा केन्द्रीत हुँदै एप्पल, एक वर्षमा २२ अर्ब डलरबराबरको आईफोन एसेम्बल

काठमाण्डौ । एप्पलले एक वर्षको अवधिमा भारतमा २२ अर्ब डलरबराबरको आईफोन एसेम्बल गरेको छ । यो रकम अघिल्लो वर्षको तुलनामा ६० प्रतिशतले बढी हो ।  

यसले एप्पलले चीनबाट उत्पादन सिफ्ट गर्दै भारतमा केन्द्रीय भईरहेको संकेत गरेको जनाइएको छ । यतिबेला एप्पले भारतमा २० प्रतिशत आईफोन उत्पादन गरिरहेको ब्लूमबर्गले जनाएको छ ।  

एप्पलले भारतमा आफ्नो कुल ५ वटामध्ये एउटा आईफोन उत्पादन गर्ने गर्छ । कोरोना महामारीका बेला कडा नियमका कारण चीनमा एप्पलको उत्पादन प्रभावित बनेको थियो । यसै बेला कम्पनीले भारतमा आईफोन एसेम्बल गर्न सुरु गरेको थियो । भारतको दक्षिणी भेगमा रहेको फक्सकनको कारखानामा आईफोन एसेम्बल हुने गर्छ ।  

विस्ट्रोनको सञ्चालन र ओभरसिज् पेटाग्रोनको लोकल युनिटलाई प्राप्त गरेको टाटा ग्रुप पनि प्रमुख उत्पादन साझेदारको रुपमा उदाईरहेको छ ।      

एप्पलले आफ्नो सबै आईफोन लाइनअप भारतमा एसेम्बल गरिरहेको छ । यसमा प्रिमियम टाइटानियम प्रो मोडल पनि समावेश छ । एप्पलले भारतको कुल स्मार्टफोन बजारको ८ प्रतिशत हिस्सा ओगटेको छ ।  

एप्पललाई चीनबाहिर १० प्रतिशत उत्पादन सिफ्ट गर्न ८ वर्ष लाग्न सक्ने जनाइएको छ ।  

यसैबीच अमेरिकी राष्ट्रपति डोनाल्ड ट्रम्पले कम्प्युटर र स्मार्टफोन लगायतका विद्युतीय सामाग्रीमा लगाइएको भन्सार कर हटाउने निर्णय गरेका छन् । यो निर्णयले एप्पल र एनभिडिया जस्ता कम्पनी लाभान्वित हुने जनाइएको छ ।