हार्वर्ड विश्वविद्यालयले घृणा र मूर्खता सिकाउँछः ट्रम्प

काठमाण्डौ । अमेरिकी राष्ट्रपति डोनाल्ड ट्रम्पले हार्वर्ड विश्वविद्यालयलाई फेरि निशाना बनाएका छन् । ट्रम्पले हार्वर्ड विश्वविद्यालय अब पढ्नको लागि राम्रो ठाउँ नभएको बताएका छन्।

‘ूसबैलाई थाहा छ हार्वर्ड विश्वविद्यालयले आफ्नो बाटो गुमाएको छ,’ ट्रम्पले आफ्नो ट्रुथ सामाजिक खातामा पोस्ट गरे। ट्रम्पले युनिभर्सिटीमा भर्ना भएका शिक्षकहरुलाई ‘मूर्ख’ भन्दै आलोचना गरेका छन् ।

उनले लेखे, ‘यस कारणले, हार्वर्डलाई अब अध्ययनको लागि राम्रो ठाउँ मान्न सकिँदैन, र यसलाई विश्वका उत्कृष्ट विश्वविद्यालय वा कलेजहरूको सूचीमा समावेश गर्नु हुँदैन।’ उनले लेखे, ‘हार्वर्ड विश्वविद्यालय एक मजाक हो, यसले घृणा र मूर्खता सिकाउँछ, र यसले अब सरकारी कोष प्राप्त गर्नु हुँदैन।’

हार्वर्ड विश्वविद्यालयले अमेरिकी राष्ट्रपतिको कार्यालय ह्वाइट हाउसले पठाएको मागको सूची कार्यान्वयन गर्न अस्वीकार गरेको थियो ।

गत साता ह्वाइट हाउसले विश्वविद्यालयको प्रशासन, भर्ना र भर्ना प्रक्रियामा परिवर्तन गर्न माग गर्दै सूची पठाएको थियो। ह्वाइट हाउसले यो सूची क्याम्पसमा यहूदी विरोधी लड्नको लागि सिर्जना गरेको थियो ।  

हार्वर्ड विश्वविद्यालयले यी मागहरूलाई अस्वीकार गर्दै ह्वाइट हाउसले विश्वद्यिालयलाई नियन्त्रण गर्ने प्रयास गरिरहेको बताएको थियो। यसपछि ट्रम्प प्रशासनले हार्वर्ड विश्वविद्यालयलाई दुई अर्ब अमेरिकी डलरको आर्थिक सहयोग रोकेको थियो ।