पाकिस्तानसँगको गोलाबारीमा मृत्यु हुने भारतीयको संख्या १० पुग्यो, ३२ जना घाइते

काठमाण्डौ । पाकिस्तानसँगको गोलाबारीमा मारिने भारतीय नागरिकको संख्या १० पुगेको छ । भारतीय सेनाका एक उच्च अधिकारीले पाकिस्तान सेनाको आक्रमणमा परी १० जना भारतीयको मृत्यु भएको र ३२ जना घाइते भएको पुष्टि गरेका हुन् ।

यी सबै मृत्यु भारत र पाकिस्तान बीचको पुन्च जिल्लामा नियन्त्रण रेखा नजिक भएको जनाइएको छ । यसैबीच पाकिस्तानले भारतीय हवाई हमलामा २६ नागरिकको मृत्यु भएको र ४६ जना घाइते भएको जानकारी दिएको छ ।

पाकिस्तानी सेनाका प्रवक्ता लेफ्टिनेन्ट जनरल अहमद सरिफ चौधरीले नियन्त्रण रेखामा भारतीय हवाई हमला र गोलीबारीमा २६ जनाको मृत्यु भएको बताएका छन् ।

तर, भारतले मिडियालाई पाकिस्तान र पाकिस्तान प्रशासित कश्मीरले गरेको हवाई हमला ‘मापन र गैर प्रगतिशील’ भएको बताएको छ। भारतले कुनै पनि सैन्य प्रतिष्ठानलाई लक्षित नगरेको दाबी गरेको छ ।