पाकिस्तानलाई लक्षित गर्दै भारतीय सेनाको दाबी, ‘शत्रुलाई हाम्रो वायु रक्षा प्रणाली छिर्न असम्भव थियो’

काठमाण्डौ । मे १२ मा भारतीय सैन्य महानिर्देशकको ‘अपरेशन सिन्दूर’ मा भएको प्रेस ब्रिफिङमा भारतको बलियो वायु रक्षा प्रणालीले पाकिस्तानले गरेका धेरै ड्रोन र मिसाइल आक्रमणलाई असफल बनाएको दाबी गरिएको छ।

वायु सेनाका महानिर्देशक एयर मार्शल एके भारतीले देशका लागि वायु रक्षा प्रणाली पर्खाल जस्तै उभिएको बताए ।

उनले भने ‘हाम्रो तर्फबाट वायु रक्षा प्रणाली देशका लागि पर्खाल जस्तै उभिएको र शत्रुलाई छिर्न असम्भव थियो । एयर मार्शल एके भारतीले भने कि भारतको वायु रक्षा प्रणालीले पाकिस्तानले बनाएका ड्रोन र अन्य हतियारहरू खसालेको छ।’

यसै क्रममा एयर मार्शल एके भारतीले चिनियाँ निर्मित मिसाइल पीएल–१५ पनि उल्लेख गरेका थिए । केही तस्विरहरू देखाउँदै उनले यी भागहरू चिनियाँ मिसाइल पीएल १५ को हुन सक्ने दाबी गरे ।  

उनले भारतमा पाकिस्तानको आक्रमणमा प्रयोग भएको चीनको पीएल १५ मिसाइलले आफ्नो लक्ष्य गुमाएको बताए।

एयर मार्शल एके भारतीले भने, ‘हाम्रो लडाई आतङ्कवाद र आतङ्ककारीहरू विरुद्ध थियो, त्यसैले मे ७ मा हामीले आतङ्कवादी लक्ष्यमा मात्रै आक्रमण गर्‍यौं,’ उनले भने, ‘तर यो दुःखको कुरा हो कि पाकिस्तानी सेनाले आतंककारीहरूलाई समर्थन गर्नु उपयुक्त ठान्यो र यो लडाईलाई आफ्नै युद्ध बनायो। यस्तो अवस्थामा हाम्रो प्रतिकारात्मक कारबाही अत्यन्त आवश्यक थियो र उनीहरूले यसबाट भोग्नुपरेको क्षतिको लागि तिनीहरू आफै जिम्मेवार छन्।’  

एयर मार्शल एके भारतीले पनि देशका सबै सैन्य अड्डाहरू, सबै प्रणाली पूर्ण रूपमा सञ्चालनमा रहेको र आवश्यकता परे भविष्यमा कुनै पनि मिसन पूरा गर्न तयार रहेको जानकारी दिए।