इजरायलका रक्षामन्त्रीले दिए इरानलाई चेतावनी

काठमाण्डौ । इजरायलका रक्षामन्त्री इजरायल काट्जले इरानलाई चेतावनी दिएका छन् । उनले इरानको आक्रमणमा मारिएका इजरायली नागरिकको ज्यानको मूल्य तेहरानका नागरिकले चुकाउनु पर्ने बताएका छन् ।

इजरायलमा राति भएको आक्रमणमा कम्तीमा ८ जनाको मृत्यु भएको छ भने धेरै घाइते भएका छन् ।

उनले इरानका सर्वोच्च नेता अयातुल्लाह अली खामेनीलाई आईडीएफलाई बदला लिनबाट रोक्न नागरिकहरूलाई जानाजानी निशाना बनाएको आरोप लगाए। इजरायल काट्जले खामेनीलाई ‘कायरपूर्ण हत्यारा’ र ‘अहंकारी तानाशाह’ भने।

उनले इजरायलले छिट्टै बदला लिने बताए ।