.gif)
_(1).gif)
.png)
काठमाण्डौ । नेप्से परिसूचक एक महिना पछि पुनः२१ सय बिन्दुमाथि पुगेको छ । साताको तेस्रो कारोबार दिन आज नेप्सेमा ५० अंकभन्दा बढीको वृद्धि भएको छ । आज नेप्से परिसूचक ५८.५८ अंक अर्थात २.८५ प्रतिशतले बढेर २ हजार १११.२४ विन्दुमा पुगेको छ ।
यसअघि माघ २९ गते नेप्से परिसूचक २१ सयबाट तल झरेको थियो ।
यो दिन बलिया र राम्रा कम्पनीको मापक सेन्सेटिभ इन्डेक्स पनि २.९० प्रतिशतले बढेर ३७५.१३ विन्दुमा पुगेको छ । यो दिन नेप्सेमा सूचीकृत मध्ये ३०५ वटा कम्पनीको १ करोड ६ लाख ९ हजार ५९७ कित्ता सेयर ४ अर्ब ५५ करोड १६ लाख रुपैयाँभन्दा बढीको कारोबार भएको छ ।
आजको बजारबारे बजार जानकार अजय सिंह थाप(जयशम्भु)भन्छन्,‘नवनियुक्त अर्थमन्त्रीको सकारात्मक पहलले गर्दा बजार बढ्न सहयोग गरेको छ । ब्याजदर पनि घट्दो क्रममा छ । नयाँ ब्याजदर पनि चाडै सार्वजनिक हुँदैछ । त्यसकारण बैंकले ३ प्रतिशतमा राष्ट्र बैंकमा पैसा राख्न भन्दा बजारमै पैसा लगानी गर्छन ।’
(1).gif)
प्राविधिक रुपमा ईलिअट दोस्रो वेभ सकिएर तेस्रो वेभको सुरुवात भएको उनले बताए । उनले थपे,‘तेस्रो भित्रको पनि पहिलो वेभ नै २२८० सम्म जान सक्ने र तेस्रो वेभ भने २६०० माथि रहने देखिन्छ ।’
अर्का बजार जानकार निमानन्द कंडेल भन्छन्,‘नयाँ गठबन्धन बनेता पनि लगानीकर्ता ढुक्क भने थिएनन् । तर आज राष्ट्रिय सभाको निर्वाचनमा सत्ता गठबन्धको विजय भएपछि सरकारले स्थिरता पाउने भएपछि लगानीकर्तामा उत्साह आएको देखिन्छ ।’
ब्याजदर पनि घट्दै गईरहेको र सरकारले केहि नीतिगत परिवर्तन गरेमा बजारले ठूलै फड्को मार्नेमा कँडेल ढुक्क देखिए ।
यो दिन नेप्सेमा सूचीकृत १३ वटा समूहमध्ये सबै समूहमा हरियाली छाएको छ । आज जीवन बीमा समूहमा सबैभन्दा धेरै अर्थात ५.४४ प्रतिशतको वृद्धि भएको छ ।
त्यस्तै बैंकिङ समूह ३.१० प्रतिशत,विकास बैंक २.१७, वित्त २.२९,होटल ३.९३,हाईड्रो ०.९९,लगानी १.८७,उत्पादन तथा प्रशोधन २.३४,लघुवित्त ५.०५,म्युचुअल फण्ड १.५५,निर्जीवन बीमा ३.१५ अन्य १.६४ र व्यापार समूह १.६९ प्रतिशतले बढे ।
धेरै कारोबार गर्ने कम्पनीहरु
यो दिन शिवम् सिमेन्टको सर्वाधिक सेयर कारोबार भएको छ । आज यो कम्पनीको ३७ करोड १९ लाख बढीको सेयर कारोबार भएको छ । आज सोनापुर मिनरल्सको २४ करोड ९ लाख,सन नेपाल लाइफको १६ करोड ५२ लाख,हिमालयन रि इन्स्योरेन्सको १५ करोड ७१ लाख र माउन्टेन इनर्जी नेपालको ११ करोड ११ लाख बढीको सेयर कारोबार भएको छ ।
धरै कमाउने र गुमाउने कम्पनीहरु
यो दिन ५ वटा कम्पनीको सेयरमूल्य १० प्रतिशतले बढ्दै सकारात्मक सर्किट लागेको छ । आजजनउत्थान सामूदायिक लघुवित्त,उन्नती सहकार्य लघुवित्त,विन नेपाल लघुवित्त,स्वाभिमान लघुवित्त र जाल्पा सामूदायिक लघुवित्तको सेयरमूल्यमा सकारात्मक सर्किट लागेको हो ।
त्यस्तै आज सार्पेट लघुवित्तको सेयरमूल्य ८.९५,नाडेप लघुवित्तको ८.०७ र अभियान लघुवित्तको सेयरमूल्य ८.०१ प्रतिशतले बढेको छ ।
आज मोलुङ हाईड्रोको सेयरमूल्यमा सर्वाधिक गिरावट आएको छ । आज यो कम्पनीको सेयरमूल्य २.५३ प्रतिशतले घटेको छ ।
.gif)
.png)
.jpg)
.jpg)
(91).jpg)
(4).png)
.jpg)
(1).gif)
.gif)
