.gif)
_(1).gif)
.png)
काठमाण्डौ । विकास बैंकहरुको समूहको लिडर कम्पनी मुक्तिनाथ विकास बैंकले चालु आर्थिक वर्षको दोश्रो त्रैमाससम्ममा ४२ करोड खूद नाफा कमाएको छ ।
अघिल्लो आर्थिक वर्षको यही अवधिमा भने बैंकले ६२ करोड ६२ लाख नाफा आर्जन गरेको थियो । खराब कर्जा बढेर इम्पेयरमेन्ट चार्जको रुपमा कमाएको नाफामध्ये ठूलो रकम छुट्याउनुपर्दा खूद नाफामा प्रभाव परेको देखिएको हो ।
बैंकले समीक्षा अवधिमा इम्पेयरमेन्ट चार्जमा ७८ करोड ६२ लाख राखेको छ । अघिल्लो वर्ष यस्तो चार्जमा ४४ करोड १७ लाख रुपैयाँ मात्र राख्नुपरेको थियो ।
(1).gif)
अघिल्लो वर्षको यही अवधिसम्म ०.९८ रहेको खराब कर्जाको अनुपात ह्वात्तै बढेर २.५१ प्रतिशत पुगेका कारण समेत नाफा प्रभावित भएको हो ।
नाफा घटेसँगै कम्पनीको वार्षिकीकृत प्रतिसेयर आम्दानी पनि घटेर ११.९२ रुपैयाँमा सीमित बन्न पुगेको छ । अघिल्लो वर्ष यही अवधिमा १७.७७ रुपैयाँ रहेको थियो ।
समीक्षा अवधिमा बैंकको वितरणयोग्य मुनाफा ३१ करोड ७२ लाखले नेगेटिभ रहेको छ । अघिल्लो वर्ष ६ करोडले धनात्मक थियो ।
अप्ठ्यारो अवस्थामा समेत बैंकले खूद ब्याज आम्दानीमा थोरै भए पनि बढोत्तरी गरेको देखिएको छ । अघिल्लो वर्षको यही अवधिसम्म २ अर्ब ४ करोड रहेको खूद ब्याज आम्दानी थोरै बढेर यो वर्ष २ अर्ब ८ करोड माथि पुगेको छ ।
समीक्षा अवधिसम्म बैंकले १ खर्ब १२ अर्ब निक्षेप संकलन गरी ९६ अर्ब २९ करोड बढी कर्जा परिचालन गरेको छ । अघिल्लो वर्षको यही अवधिसम्म १ खर्ब १६ अर्ब बढी निक्षेप संकलन गरी ९४ अर्ब ४५ करोड बढी कर्जा परिचालन गरेको थियो ।
समीक्षा अवधिमा बैंकको मूल्य आम्दानी अनुपात ३२.२६ गुणा, तरलता अनुपात २१.२५ प्रतिशत, रिटर्न अन इक्वीटी ८.७० प्रतिशत, प्रतिसेयर नेटवर्थ १३७.०३ रुपैयाँ रहेको छ ।
.gif)
.png)
.jpg)
.png)
(1).jpg)
.gif)
.gif)
