झापा इनर्जीले पायो आईपीओ निष्कासनको अनुमति

काठमाण्डौ । झापा इनर्जी लिमिटेडले आईपीओ निष्कासनको अनुमति पाएको छ । नेपाल धितोपत्र बोर्डले कम्पनीलाई आईपीओ जारी गर्न असार ३१ स्वीकृति दिएको हो ।

कम्पनीले बोर्डबाट अंकित मूल्य १०० रुपैयाँ दरको ९ करोड ५० लाख ४७ हजार ५०० रुपैयाँ बराबरको ९ लाख ५० हजार ४७५ कित्ता आईपीओ निष्कासनको अनुमति पाएको हो ।

यससँगै कम्पनीले आयोजना प्रभावित स्थानीय बासिन्दा र सर्वसाधारण गरी दुई चरणमा आइपीओ निष्कासन गर्नेछ । कम्पनीको बिक्री प्रबन्धकमा हिमालयन क्यापिट लिमिटेड रहेको छ ।