(1).gif)
(2).gif)
.png)
काठमाण्डौ । नेपाल स्टक एक्सचेञ्जले अडलट सेयर अर्थात १० कित्ता भन्दा तलको सेयरको नियमित कारोबार गर्ने व्यवस्था गरेको छ । यससँगै अब कुनै सेयरधनीको खातामा भएको १० कित्ता भन्दा तलको सेयर नियमित रुपमा नै कारोबार गर्न सकिनेछ ।
आम लगानीकर्ताको माग बमोजिम नेप्सेले साउन १ गतेदेखि नेप्से वेबसाइटको मार्केट डेप्थमा अड लट खरिद तथा बिक्री आदेश देख्न सकिने बनाएको हो ।
यसबाट आफूसँग अड लट धितोपत्र हुँदा खरिदबिक्री गर्न नपाएको भन्ने लगानीकर्ताको गुनासो सम्बोधन हुने विश्वास नेप्सेले लिएको छ । धितोपत्र कारोबार विनियमावली, २०७५ मा अड लट कारोबारसम्बन्धी व्यवस्था छ । यस अनुसार धितोपत्रको अंकित मूल्य रु.१० भएमा १०० कित्ता, अंकित मूल्य रु. १०० भएमा १० कित्ता र अंकित मूल्य रु. १००० भएमा एक कित्ताको कारोबारलाई अड लट भनिन्छ ।
.gif)
विनियमावलीले उल्लेखित भन्दा कम कित्ताको कारोबारलाई अड लट कारोबार भनेर परिभाषित गरेको छ । अड लट कारोबारलाई मूल्य परिवर्तन सीमा र बजार परिसूचक गणनामा समावेश गरिदैन । धितोपत्रधनीले बोर्ड लटमा भएको धितोपत्रलाई टुक्राएर अड लट बनाउन नपाउने व्यवस्था विनियमावलीमा छ ।
यसअघि अटलट सेयर किनबेच गर्न या त लगानीकर्ताहरुले आफै ग्राहक खोज्नुपर्ने वा त्यही कम्पनीको थप १० कित्ता सेयर किनेर मात्रै सेयर कारोबार गर्नु पर्ने व्यवस्था थियो । अटलट कारोबार सुरु भएसँगै अब भने लगानीकर्ताले यस्तो झन्झटबाट मुक्ति पाउने भएका छन् ।
यस्तो छ प्रक्रिया
सबै भन्दा पहिले लगानीकर्ताले आफूसँग कुन कम्पनीको सेयर अडलट छ भन्ने एकिन गुर्नुपर्ने हुन्छ । त्यसपछि नेप्सेको वेवसाइडमा गएर मार्केट डेप्थमा क्लिक गरि सकेपछि अडलटको अप्सन आउछ । त्यपश्चात अडलटमा क्लिक गरेपछि लगानीकर्ताले कुन–कुन कम्पनीको सेयर के–कति किनबेच गर्न बसेको छ भन्ने एकिन हुनेछ ।
यस आधारमा अब टीएमएसमा गएर सोहि मुल्यको आधारमा सेयर खरिद तथा बिक्री गर्न सकिनेछ । तर यसले नियमित कारोबारलाई भने कुनै असर गर्ने छैन ।
.png)
(193).jpg)
(1).png)
(1).jpg)
