.gif)
(1).gif)
.jpg)
.png)
काठमाण्डौ । साताको चौथो कारोबार दिन आज नेपाल स्टक एक्सचेञ्च(नेप्से) परिसूचकमा झिनो अंकको करेक्सन आएको छ । आज नेप्से परिसूचक २.४८ अंक अर्थात ०.११ प्रतिशतले घटेर २ हजार १०८.७२ विन्दुमा सीमित बन्न पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.१२ प्रतिशतले घटेर ३७४.६५ विन्दुमा पुगेको छ । यो दिन नेप्सेमा सूचीकृतमध्ये ३१० वटा कम्पनीको १ करोड ८ लाख ८९ हजार ६३४ कित्ता सेयर ४ अर्ब २४ करोड ८५ लाख रुपैयाँभन्दा बढीको कारोबार भएको छ ।
आजको बजारबारे अर्थशास्त्री सूर्यनारायण पौडेल भन्छन्, ‘बजारमा सबै माहोल सकारात्मक नै छ । बजार अझै पनि गुड न्यूजको प्रतिक्षामा छ । आज सरकारले विश्वासको मत लिएको पनि छ । अर्थमन्त्रीले पनि सेयर बजारको सुधारका लागि पहल गरिरहेका छन् । त्यसैले बजार मजबुत रहने देखिन्छ ।’
यद्यपि आज लगानीकर्ताले नाफा बुक गरेका कारण बजारमा केहि गिरावट आएको उनले बताए । पौडेलले यसपालि बजार सहजै २२ सयको विन्दु पार हुने अनुमान गरे ।
अर्का बजार जानकार दामोदर गजुरेल पनि आज बजारमा नाफा बुक भएको बताउँछन् ।‘आज बजार खासगरी अपर तामाकोशीको सेयरको सप्लाईले दवाबमा देखियो । यद्यपि बजार करेक्सन हुँदै २३ सयभन्दा माथि नै लाग्ने देखिन्छ ।’गजुरेल बताउँछन् ।
.gif)
आज १३ वटा समूहमध्ये ६ वटा समूहमा हरियाली छायो भने अन्य सबै समूहमा रातो पोतिएको छ । आज सबैभन्दा धेरै वृद्धि वित्त समूहमा देखिएको छ । वित्त समूह २.३२ प्रतिशतले बढेको आज विकास बैंक ०.३५,जीवन बीमा ०.०९,लघुवित्त ०.४४,म्युचुअल फण्ड ०.४० र अन्य समूह ०.४६ प्रतिशतले वृद्धि भएको छ ।
आज होटल एण्ड टुरिजम समूहमा सबैभन्दा धेरै अर्थात १.१४ प्रतिशतको गिरावट आएको छ । यो दिन बैंकिङ समूह ०.१०, हाईड्रो १.०९,लगानी ०.०७, उत्पादन तथा प्रशोधन ०.१४,निर्जीवन बीमा ०.५५ र व्यापार समूह ०.११ प्रतिशतले घटे ।
धेरै कारोबार गर्ने कम्पनीहरु
यो दिन शिवम् सिमेन्टको सर्वाधिक सेयर कारोबार भएको छ । आज यो कम्पनीको २५ करोड ५३ लाख बढीको सेयर कारोबार भएको छ ।
त्यस्तै सोनापुर मिनरल्सको २० करोड ६९ लाख, हिमालयन रि इन्स्योरेन्सको २० करोड ६३ लाख, अपर तामाकोशीको १५ करोड ५४ लाख र गोर्खाज फाइनान्सको १३ करोड ७७ लाख बढीको सेयर कारोबार भएको छ ।
धरै कमाउने र गुमाउने कम्पनीहरु
आज विन नेपाल लघुवित्तको सेयरमूल्य सर्वाधिक वृद्धि भएको छ । यो संस्थाको सेयरमूल्य ९.९९ प्रतिशतले बढेको छ भने आज उन्नती सहकार्य लघुवित्तको सेयरमूल्य ९.५८, आत्मनिर्भर लघुवित्तको ९.२२, समाज लघुवित्तको ९.०३ र जनउत्थान लघुवित्तको सेयरमूल्य ७.८९ प्रतिशतले बढेको छ ।
आज अपर तामाकोशीको सेयरमूल्य १० प्रतिशतले घटेर नकारात्मक सर्किट लागेको छ । यो दिन दोर्दी खोला जलविद्युतको सेयरमूल्य ४.५७ प्रतिशत र बलेफि हाईड्रोको सेयरमूल्य ३.०९ प्रतिशतले घटेको छ ।
.gif)
.png)
.png)
(142).jpg)
.png)
.png)
.gif)
.gif)
.gif)
