प्रभु क्यापिटलका दुई म्युचुअल फण्डको लाभांश घोषणा

काठमाण्डौ । प्रभु क्यापिटल लिमिटेडका दुई म्युचुअल फण्डले लाभांश घोषणा गरेका छन् । प्रभु स्मार्ट फण्ड र प्रभु सेलेक्ट फण्डले गत आवको मुनाफाबाट लगानीकर्तालाई लाभांश प्रस्ताव गरेका हुन् ।

प्रभु सेलेक्ट फण्डले १२ प्रतिशत नगद लाभांश र प्रभु स्मार्ट फण्डले १० प्रतिशत नगद लाभांश प्रस्ताव गरेको छ ।

दुबै फण्डले कर सहितको नगद लाभांश प्रस्ताव गरेका हुन् । गत आवको अन्त्यसम्म प्रभु सेलेक्ट फण्डको न्याभ १३.४६ रुपैयाँ रहेको छ भने प्रभु स्मार्ट फण्डको न्याभ १३.५३ रुपैयाँ रहेको छ । यी दुबै फण्ड बन्दमुखी योजना हुन् ।