.gif)
_(1).gif)
.png)
काठमाण्डौ । यो साता सेयर बजारमा ४ दिन कारोबार भयो । ४ दिनमा बजार २ दिन बढ्यो भने २ दिन घट्यो । अघिल्लो साता १९३०.५५ मा बन्द भएको बजार यो साता २०८०.८७ मा बन्द भयो । यो हिसावले यो साता सेयर बजारमा करिव ५०.३२ अंकले बढोत्तरी आयो । अघिल्लो साता पनि बजारमा ५८.४६ अंकको बढोत्तरी आएको थियो । यो साता दोस्रो बजारमा ४ दिनको कारोबारमा १५.६६ अर्बबराबरकोे कारोबार भयो । अघिल्लो साता ५ दिनको कारोबारमा १३.२२ अर्बबराबरको कारोबार भएको थियो । यस हिसावले यो साता कारोबार र सूचक दुबैमा बढोत्तरी आएको छ । यो साता बजार पूँँजीकरण ३२ खर्ब २७ अर्ब पुगेको छ । अघिल्लो साता बजार पूँँजीकरण ३१.९१ अर्ब रुपैयाँ रहेको थियो । यस हिसावले यो साता बजारमा बढोत्तरी आँउदा ३६ अर्बले बजार पूँजीकरण बढेको छ । नेप्सेमा अघिल्लो सातादेखि आएको बढोत्तरीले यो साता पनि निरन्तरता पाएको छ ।
प्राविधिक पक्षः
इलिअट वेभ
इलिअट वेभमा विभिन्न डिग्रीहरु हुने गर्छन् । त्यस्ता डिग्रीहरुले साना–ठूला गरेर एकदिनदेखि एक सय बर्षसम्मको समय अबधिलाई प्रतिनिधित्व गर्छन् । इलिअट वेभमा मूल्य माथि जान पाँच फरक–फरक वेभ हुन्छन्, भने तल जान ३ वेभ हुन्छन् ।
(1).gif)
माथि लाग्ने पाँच वेभमा पनि तीनवटा बढोत्तरीका र दुईवटा सुधारका देख्न सकिन्छ । यसमा १, ३, ५ बढोत्तरीको हुन्छ भने २ र ४ मा करेक्सनको हुन्छ । वेभ ५ को करेक्सन वेभ ए हो । वेभ ए, बी, सीले मूल्य तथा सूचक तल जाने संकेत दिन्छ ।
इलिअट वेभअन्तगर्त बजारको पछिल्लो अवस्थालाई नियाल्दा हामीले अघिल्ला विश्लेषणहरुमा भने जस्तै बजार माइनरको दोस्रो वेभ १९५० सकिएको यो साताको बजारले पुष्टि गरेको छ । अब बजारमा थर्ड–अफ थर्ड चल्न सक्ने सम्भावन अधिक देखिएको छ ।
यो भनेको थर्ड वेभको उचाइ २६०० सम्म हुन जान्छ । त्यहाँ भित्र पनि बजारले साना–साना वेभ निमार्ण गर्दै जाने भएकोले बजार धेरै पटक तल माथि गर्छ । गत साता र यो साता बजारले बनाएको चक्रलाई फिवोनासी र इलिअट वेभ मार्फत संयुक्त रुपमा नियाल्दा गत साता देखि बजारमा माइनर भित्रको पनि मिनेट वेभ चलेको देखिन्छ । जसमा वेभ १ को उचाइ १९५० देखि २०८० सम्म चल्यो । वेभ २ मा करेक्सन भएर २००० सम्म आयो । हाल चलेको तेस्रो वेभ करिव २२०८ सम्म जाने छ । त्यस पछि चौथो वेभको करेक्सनले बजार पुनः २१३० सम्म आउन सक्छ । यहाँबाट पाँचौ वेभ बनाँउदा बजारले करिव २३५० सम्म हालको चक्र चल्ने छ । त्यस पछि वेभ एबीसी बनाउँदै बजार पुनः २२०० सम्म पनि आउन सक्छ ।
यस पल्ट १९५० लाई आधार बनाए माथि लागेको बजारले यस अघिको २२६० को प्रतिरोधलाई अब भने सहज रुपमा ब्रेक गरेर माथि जान सक्छ । यद्यपि अब एबीसी करेक्सन चल्दा भने बजारले यस अघिको प्रतिरोध २२ सयलाई बलियो सपोर्ट बनाउन सक्छ । यी सबै प्रकृया बजारले अबको ४ देखि ६ महिनाको समय अबधिमा पुरा गर्न सक्छ ।
माथि मूख्य तस्बिर
बोलिङगर ब्याण्ड म्याक्डी र आरएसआई
बजारलाई डेलीबेसमा बोलिङगर ब्याण्ड मार्फत नियाल्दा यो साता अपर ब्याण्डको २१२१ मा प्रतिरोध सामना गरेको छ ।¬ यो साता २०८० मा बन्द भएको बजार यदि मध्य ब्याण्डसम्म आउँछ भने २०३० सम्म हुन सक्छ । म्याक्डी मार्फत नियाल्दा बजार यस अघि बनेको बुलिस क्रसओभर भ्यालिड नै रहेको छ । हिस्टोग्राम सकरात्मक नै छन् । आरएसआई ५५ को तहमा रहेको छ । समग्रमा तीन वटै इन्डिकेटरबाट नियाल्दा बजार अप ट्रेन्डमा नै चलेको छ । तर अल्पकालमा केही करेक्सन हुन सक्छ । साप्ताहिक रुपमा हेर्दा बजार २ हजार माथि चलुन्जेल बुलिस नै रहेको देखिन्छ ।
मुभिङ एभरेज
मुभिङ एभरेजबाट नियाल्दा बजारले यो साता बजार ५० दिने एभरेन्ज भन्दा माथि नै टेवा लिएको छ । यसले बढ्दो बजारलाई बुझन सकिन्छ । बजारमा यदि ५० दिने मुभिङ एभरेज भन्दा माथि कारोबार भएमा बुल बजार र त्यहाँ भन्दा तल लागेमा वियरिस बजार भनेर बुझिन्छ । यो साता बजार यो रेखा भन्दा माथि लागेको छ । यदि आगामी दिनमा बजार ५० दिने रेखा भन्दा माथि लाग्छ भने अप ट्रेन्ड मान्न सकिन्छ ।
पिभट् प्वइन्टः
पिभट विश्लेषण भनेको सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ।
बढेमा प्रतिरोध
प्रतिरोध ३ –२२०३
प्रतिरोध २ –२१५६
प्रतिरोध १– २०५६
पिभट प्वइन्टः २०१७
घटेमा सपोर्ट
सपोर्ट १– १९२४
सपोर्ट २– १८७७
प्रतिरोध ३ –१७८५
निष्कर्षः अघिल्लो साता बुलिस इन्गिल्फिङ बनाएर संम्हालिएको बजार यो साता पनि ५०.३२ अंकले बढोत्तरी आएको छ । यो साता जम्मा ४ दिन कारोबारमा अघिल्लो साताको तुलनामा कारोबार पनि बढ्यो । यो संगै बजारमा लगातार २ साता बढोत्तरी आयो । यो साता २१ सय माथि कारोबार भएको बजार २०८० मा बन्द भएको छ । पछिल्लो २ साताको बजारलाई इलिअट वेभबाट नियाल्दा १९५० मा माइनरको वेभ २ को करेक्सन सकिएको देखिन्छ । अबको बढोत्तरी हामीले पहिले देखि नै भन्दै आएको थर्ड अफ थर्ड हुने सम्भावना अधिक छ । यो भनेको बजारको माइनरको थर्ड वेभ नै २६ सय माथि हुने देखिन्छ । पाँचौ वेभ भने ३ हजार आसपास हुने देखिन्छ ।
यस बीचमा पनि बजार धेरै पल्ट तलमाथि गरेर उत्तार चढाव आउन सक्छ । यो साता माइनर वेभ भित्रको पनि मिनेट वेभको पहिलो तथा दोस्रो चलेको देखिन्छ । अब चल्ने मिनेटको थर्डमा बजार २२ सय सम्म पुनः पुग्न सक्छ । पाँचौ वेभमा भने बजार २३५० आसपास पुगेर हाल चलेको बजारको एउटा चक्र वेभ एबीसी करेक्सन हुँदे सकिने छ । त्यस पछि भने बजार २२ सय भन्दा माथि नै टिक्ने छ । यस हिसावले इलिअट वेभ मार्फन बजारको प्रक्षेपण गर्दा अबको सानो करेक्सन पछि बजारले यस अघिको २२ को प्रतिरोधलाई सहज रुपमा ब्रेक गरेर माथि जान सक्छ ।
नोटः सेयर बजारमा लगानी जोखिमपूर्ण हुन्छ, यो बिश्लेषण कारोबारका लागि सिफारिस भने होइन ।
.png)
.jpg)
.jpg)
.jpg)
.gif)
(1).gif)
.gif)
