.gif)
(1).gif)
(2).gif)
.png)
.gif)
.png)
काठमाण्डौ । पछिल्लो समय सेयरबजारमा दुई पुर्बीमा कम्पनीको निकै चर्चा छ । बजारमा नेपाल रि इन्स्योरेन्स र हिमालयन रि इन्स्योरेन्सको हकप्रद आउने विषयले लगानीकर्ताहरु यी दुई कम्पनीको सेयरमा निकै आकर्षित देखिएका छन् ।
हकप्रदकै फण्डाले दोस्रो बजारमा यी दुई पुनर्बीमा कम्पनीको सेयर सर्वाधिक कारोबार समेत हुँदै आइरहेको छ । अहिले लगानीकर्ताहरुबीच यी दुई रि इन्स्योरेन्सको सेयरको चर्चा चलिरहँदा केही सेयर खेलाडीहरुले भने त्यसकै मौका छोपेर सेयर चलखेल समेत गरिरहेका छन् ।
धितोपत्र बजार पूँजीकरणमा समेत अब्बल यी दुई पुनर्बीमा कम्पनीलाई लगानीकर्ताहरुले अहिले ‘हट केक’को संज्ञा दिइरहेका छन् । तर चर्चाकै आधारमा लगानी गरिहाल्दा डुब्ने सम्भावना बढी रहन्छ ।
हुन त केही लगानीकर्ताहरुले यी दुई कम्पनी फन्डामेन्टल रुपमा समेत बलियो भएको बताइरहेका छन् । आधारभुत पक्षबाट बलियो भएकाले दीर्घकालिन लगानीका लागि यी दुई कम्पनी उपयुक्त सक्ने केही लगानीकर्ताहरुले अनुमान लगाइरहेका छन् ।
बजारमा केही लगानीकर्ताहरु भने दुई पुनर्बीमा कम्पनीमध्ये कुन चाहिँ धेरै बलियो भनेर आफ्नै हिसाबले तुलना समेत गरिरहेका छन् । दुई कम्पनी नै एउटै सेक्टरको भएकाले यी दुई कम्पनीको व्यवसायको अवस्था र आर्जित मुनाफाको अवस्था लगभग एउटै देखिन्छ । तरपनि नेपाल पुनर्बीमा कम्पपनी अगाडी नै सञ्चालनमा आएकाले व्यवसाय र कोषहरुको आधारमा हिमाालयन रि भन्दा केही बलियो देखिएको छ ।
यी दुई कम्पनीमध्ये जुनकुनैमा लगानी गर्नुअघि लगानीकर्ताले कम्पनीको आधारभूत पक्षहरुको बारेमा अध्ययन गर्नुपर्ने हुन्छ । हचुवाको भरमा अर्थात् बजारमा चर्चा चलकै आधारमा लगानी गर्दा फसिने वा लगानी डुब्ने सम्भावना उच्च रहन्छ ।
नेपाल रि इन्स्योरेन्सले गत आवको तेस्रो त्रैमासिक वित्तीय रिर्पोट बल्ल सार्वजनिक गरेको छ भने हिमालयन रि इन्स्योरेन्सले गत आवको अन्तिमसम्मको वित्तीय विवरण प्रकाशित गरिसकेको छ । यसआधारमा पनि नेपाल रि भन्दा हिमालयन रि इन्स्योरेन्स वित्तीय सुशासनमा राम्रो मान्न सकिन्छ ।
गत आवको तेस्रो त्रैमासिक वित्तीय विवरणको आधारमा यी दुई पुनर्बीमा कम्पनीलाई विभिन्न सूचकमा तुलनामा गरिएको छ । जसमा अधिकांश सूचकमा नेपाल रि राम्रो देखिएको छ भने आधारभुत पक्षमा चाहिने सूचकहरु, इपीएस, नेटवर्थ, पीई रेसियो र आरओईमा भने हिमालयन रि राम्रो देखिएको छ, जुन सेयर लगानीकर्ताहरुका लागि बढी महत्वपूर्ण सूचकहरु मानिन्छ ।
तर दीर्घकालिन लगानीका लागि हेर्ने हो भने यी दुबै कम्पनी नै राम्रो मान्न सकिन्छ । अझ तुलनात्मक रुपमा नै हेर्ने हो भने नेपाल रि उत्कृष्ट मान्न सकिन्छ । कम्पनीको व्यवसाय र कोषहरुमा संकलित रकमको आधारमा नेपाल रिको लगानी कम जोखिम मान्न सकिन्छ ।
नोटः गत आवको तेस्रो त्रैमासिक रिर्पोटको आधारमा दुई पुनर्बीमा कम्पनीलाई तुलना गरिएको मात्र हो । दुईमध्ये कुनैपनि कम्पनीको धितोपत्र खरिदका लागि सिफारिस गरिएको भने होइन । लगानीकर्ताहरु आफैंले विश्लेषण गरी सेयर खरिद गनुपर्नेछ ।
(2).gif)
.gif)
.png)
.jpg)
.jpg)
(1)(1).png)
