श्री एयरलाइन्सको साधारण सभा स्थगित, नयाँ मिति तय

काठमाण्डौ । श्री एयरलाइन्स लिमिटेडको साधारण सभा स्थगित भएको छ । असोज २ गते आयोजना हुने भनिएको कम्पनीको साधारण सभा स्थगित भएको हो ।

अब उक्त सभा असोज २२ गते कम्पनी रजिष्टर्डको कार्यालयमा बिहान ११ बजेदेखि सुरु हुनेछ ।

सभामा कम्पनीको आईपीओ निष्कासन गर्ने क्रममा हालसम्म भएका कार्य प्रगतिको समीक्षा र उपयुक्त भावी कदमको सम्बन्धमा छलफल गर्ने र आईपीओ निष्कासनका लागि आवश्यक प्रबन्धपत्र तथा नियमावलीमा संशोधन गर्ने विशेष प्रस्ताव पारित गरिनेछ ।

यस्तै सञ्चालक समितिको तर्फबाट अध्यक्षको प्रतिवेदन पारित गर्ने तथा उक्त आवको वित्तीय विवरणहरु पारित गरिनेछ ।