.gif)
.png)
.png)
काठमाण्डौ । जापानको सेयरबजारले अल टाइम हाईको उचाईमा पुगेको छ । जापानको सेयरबजार मापक इन्डेक्स निक्की२२५ ले बिहिबारको कारोबारमा नयाँ रेकर्ड कायम गरेको हो ।
आज निक्की२२५ इन्डेक्स ०.२७ प्रतिशत अर्थात १२४ अंकले बढेर ४५ हजार ७५४ विन्दुमा बन्द भएको छ । यो हालसम्मकै उच्च क्लोजिङ हो ।
निक्की२२५ इन्डेक्स लगातार ६ दिन बढेको छ । ६ दिनको बढोत्तरीमा निक्की२२५ इन्डेक्सले लगातार ३ दिन नयाँ रेकर्ड बनाएको छ ।
आजको कारोबारमा मेटल सेक्टर सर्वाधिक अर्थात ३.२४ प्रतिशतले बढ्यो । सुमितोमो मेटल माईनिङको मूल्य आज ११.३ प्रतिशतले बढ्यो । जुन निक्कीमा सूचीकृत कम्पनीहरुमध्ये कै उच्च हो ।
यस्तै उर्जा र युटिलीटी सेक्टरमा समेत राम्रो वृद्धि देखियो ।
आज ओकिनावामा आधारित बियर उत्पादक कम्पनी ओरियन ब्रेअरीले प्रतिकित्ता १८६३ येनमा मार्केट डेब्यु गर्यो । जुन आईपीओ मूल्य ८५० येनभन्दा झण्डै दोब्बर बढी हो । प्रतिकित्ता १९५० येनमा बन्द हुनुअघि कम्पनीको सेयरमूल्य प्रतिकित्ता २२६२ डलरसम्म पुगेको थियो ।
यस्तै आज साना पूँजी भएका कम्पनीहरुको कारोबार हुने टोपिक्स इन्डेक्स पनि ०.४७ प्रतिशतल बढ्दै ३ हजार १८५ विन्दुमा पुगेको छ ।
.png)
.jpg)
.jpg)
.jpg)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।