लगातार ४ दिन २०६० भन्दा माथि टिकेको बजारमा अबको सम्भावना कस्तो ?

STOCK MARKET
बुधबार, चैत्र ७,२०८० 19:05:36

काठमाण्डौं । यो साताको हालसम्मको ४ कारोबार दिनमा बजार तीन दिन घट्यो भने एक दिन झिनो अंकले मात्रै बढ्यो । यो समयमा बजारले २०६० को विन्दुमा बलियो सपोर्ट लिएको छ । कारोबार तथा भोल्युम पनि ३ अर्ब आसपास नै रहेको छ । प्राविधिक रुपमा हालको बजारलाई हेर्दा बोलिङगर ब्याण्डको माथिल्लो ब्याण्डमा छोएर खसेको बजार हाल मध्य ब्याण्ड तर्फ आर्कषित देखिन्छ । आज बजार घट्दा कारोबार पनि बढेको छ ।

यसले बजारमा विस्तारै बिक्री दबाव परेको बुझिन्छ । म्याक्डी मार्फत हेर्दा केही समय पहिले बनेको बुलिस क्रसओभर भ्यालिड नै रहेको छ । हिस्टोग्राम छोटो–छोटा र फिक्का बन्दै गरेको देखिन्छ । आरएसआई न्युट्रल जोन ५२ को तहमा पुगेको देखिन्छ । समग्रमा तीन वटै इन्डिकेटरबाट हेर्दा बजार हाल साइडवेज चलेको देखिन्छ ।

यदि आगामी दिनमा बजार २०६० भन्दा माथि माथि टिकेर कारोबार हुन्छ भने बजारले माथिको यात्रा तय गर्न सक्छ । यदि बजार त्यहाँबाट तल खस्छ भने मध्य ब्याण्ड २०३५ आसपाससम्म पनि बजार आउन सक्छ ।

नोटः सेयर बजारम लगानी जोखिमपूर्ण हुन्छ, यो विश्लेषण कारोबारका लागि सिफारिस भने होइन ।