लक्ष्मी सनराइज बैंकले ऋणपत्र निष्कासन गर्ने, बोर्डसँग माग्यो अनुमति

काठमाण्डौ । लक्ष्मी सनराइज बैंक लिमिटेडले ऋणपत्र निष्कासनको अनुमति माग गर्दै नेपाल धितोपत्र बोर्ड(सेबोन)मा आवेदन दिएको छ ।  

बैंकले १ हजार अंकित दरका ३ अर्ब रुपैयाँबराबरको ३० लाख कित्ता भएको ‘ लक्ष्मी सनराइज डिबेञ्चर २०९२’  नामक ऋणपत्र निष्कासनको अनुमति माग गर्दै कात्तिक २५ गते आवेदन दिएको हो ।  

बोर्डबाट अनुमति पाएसँगै बैंकले व्यक्तिगत तवरबाट १८ लाख कित्ता र सर्वसाधारणका लागि १२ लाख कित्ता गरी कुल ३० लाख कित्ता ऋणपत्र जारी गर्नेछ ।  

बैंकको ऋणपत्र निष्कासन तथा बिक्री प्रबन्धकको रुपमा माछापुच्छ्रे क्यापिटल लिमिटेड रहेको छ । यो ऋणपत्रको अवधि १० वर्षको हुनेछ भने यसको वार्षिक प्रतिफल ७ प्रतिशत हुनेछ ।