.gif)
_(1).gif)
.jpg)
.png)
काठमाण्डौ । साताको तेस्रो कारोबार दिन आज नेपाल स्टक एक्सचेञ्च(नेप्से) मा दोहोरो अंकको वृद्धि भएको छ । आज नेप्से परिसूचक १०.१४ अंक अर्थात ०.४९ प्रतिशतले बढेर २०४१.७० विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.२३ प्रतिशतले बढेर ३६१.६३ विन्दुमा पुगेको छ । यो दिन नेप्सेमा सूचीकृत मध्ये ३१० वटा कम्पनीको ६८ लाख ४२ हजार ३९२ कित्ता सेयर २ अर्ब ३५ करोड ४३ लाख रुपैयाँ बढीको कारोबार भएको छ ।
आजको बजारबारे अर्थशास्त्री सूर्यनारायण पौडेल भन्छन्, ‘आजको बजारमा हेर्दा लगानीकर्तामा अझै पनि आत्मविश्वासको कमी देखिन्छ । आज कारोबार रकम त्यति धेरै बलियो देखिदैन । यद्यपी आजको बजार हेर्दा केहि दिनदेखि निरन्तर घटिरहेको बजार थामिएको भने भन्न सकिन्छ । नयाँ परिणाम नआएसम्म बजार साइडवेज नै चल्ने देखिन्छ । ’
सरकारले संसदमा पेश गरेको बाफिया ऐनको उदेश्य राम्रो भएपनि यो बेमौसमी बाजा भएको उनले बताए । बजार अहिले निकै प्यानिक अवस्थामा बाफिया आउनुलाई साना लगानीकर्तालाई त्रसित पार्ने चलखेल पनि हुन सक्ने उनले आँकलन गरे ।
अर्का बजार जानकार अर्जुन थापा पनि आज बजार बढेतापनि यसको दिगोपन नभएको बताउँछन् । उनले भने,‘अर्थमन्त्रीलाई बजारलाई पत्याएको जस्तो देखिदैन । क्याप हटाउने र जोखिम भार घटाउने काम यथासक्दो चाडो हुनुपर्ने देखिन्छ । यद्यपी वैशाखको तेस्रो त्रैमासको रिपोर्ट पछि मात्रै बजारले लय समात्ने छ ।’
(1).gif)
यो दिन नेप्सेमा सूचीकृत १३ वटा समूहमध्ये १० वटा समूहमा हरियाली छाएको छ भने अन्य सबै तीनवटा समूहमा रातो पोतिएको छ । आज उत्पादन तथा प्रशोधन समूहमा सबैभन्दा धेरै वृद्धि देखिएको छ । यो समूह २.११ प्रतिशतले बढेको आज बैंकिङ ०.०४, विकास बैंक ०.५१, होटल ०.४७,हाईड्रो १.५८,लगानी ०.४५,लघुवित्त ०.४२,म्युचुअल फण्ड ०.४६,निर्जीवन बीमा ०.०२ र अन्य समूह ०.११ प्रतिशतले बढेको छ ।
आज वित्त समूह ०.०६ प्रतिशत,जीवन बीमा ०.१८ र व्यापार समूह ०.१४ प्रतिशतले घटेका छन् ।
धेरै कारोबार गर्ने कम्पनीहरु
आज शिवम् सिमेन्टको सर्वाधिक अर्थात ९ करोड ३१ लाख रुपैयाँ बढीको सेयर कारोबार भएको छ । सोनापुर मिनरल्सको ८ करोड ५७ लाख,जोशी हाईड्रोको ८ करोड २९ लाख,गोर्खा फा्रइनान्सको ८ करोड ७ लाख र हिमालयन रि इन्स्योरेन्सको ६ करोड ३५ लाख बढीको सेयर कारोबार भएको छ ।
धरै कमाउने र गुमाउने कम्पनीहरु
यो दिन दोल्ती पावर र सर्वोत्तम सिमेन्टको सेयरमूल्यमा सकारात्मक सर्किट लागेको छ । यी कम्पनीहरुको सेयरमूल्य क्रमशः१० र ९.९९ प्रतिशतले बढ्यो । आज विन नेपाल लघुवित्तको सेयरमूल्य ९.४३ प्रतिशत,पिपुल्स पावरको ७.७३ र थ्रिस्टार हाईड्रोको सेयरमूल्य ६.७६ प्रतिशतले बढेको छ ।
आज धौलागिरी लघुवित्तको सेयरमूल्यमा सर्वाधिक गिरावट आएको छ । यो कम्पनीको सेयरमूल्य ९.३५ प्रतिशतले घट्दा भगवति हाईड्रोका ४.७५ र मानुषी लघुवित्तको सेयरमूल्य ३.०६ प्रतिशतले घटेको छ ।
.gif)
.png)
.jpg)
.jpg)
.jpg)
.gif)
.gif)
