सिटिजन लाइफले २०% लाभांश दिने

काठमाण्डौ । सिटिजन लाइफ इन्स्योरेन्सले लाभांश घोषणा गरेको छ ।  

कम्पनीको बुधबार(आज) बिहान बसेको सञ्चालक समितिको १२५ औं बैठकले आर्थिक वर्ष २०८१/८२ को वितरणयोग्य मुनाफाबाट हाल कायम चुक्तापूँजीको २० प्रतिशत लाभांश वितरणको घोषणा गरेको हो । 

कम्पनीले २० प्रतिशत नै नगद लाभांश वितरणको प्रस्ताव गरेको हो । हाल यो कम्पनीको चुक्तापुँजी ५ अर्ब रुपैयाँ रहेको छ । कम्पनीले १ अर्ब रुपैयाँ बराबरको लाभांश वितरण गर्न खोजेको हो । 

नेपाल बीमा प्राधिकरणबाट स्वीकृत भएपछि र कम्पनीको आगामी वार्षिक साधारणसभाबाट पारित भएपछि घोषित लाभांश लगानीकर्ताले पाउनेछन् ।