सुनको मूल्यमा भारी वृद्धि, एकैदिन ४६१ डलरको बढोत्तरी

काठमाण्डौ । अन्तर्राष्ट्रिय बजारमा सुनको मूल्यमा भारी वृद्धि भएको छ । आजको कारोबारमा सुनको मूल्य ९.०८ प्रतिशत अर्थात ४६१ डलरले बढेको छ ।

यो समाचार तयार पार्दासम्म सुनको मूल्य प्रतिऔंस ५ हजार ५४७ डलरमा कारोबार भईरहेको छ । यसअघि कारोबारको दौराम सुनको मूल्य प्रतिऔंस ५ हजार ५९१ डलरसम्म पुगेको थियो ।

विश्व भू–राजनीतिक तनाव र आर्थिक अनिश्चितताका कारण लगानीकर्ता सुरक्षित लगानीको रुपमा सुनमा आकर्षित बन्दा मूल्य निरन्तर रुपमा बढ्दै गएको छ ।

सुनको मूल्यले पहिलोपटक ५ हजारको थ्रेसहोल्स गत सोमबार पार गरेको थियो । यो साता मात्रै सुनको मूल्य १० प्रतिशतले वृद्धि भईसकेको छ । कमजोर डलर, केन्द्रीय बैंकहरुको बढ्दो खरिदारी र बढ्दो मागका कारण सुनको मूल्य आकाशिएकोृ विश्लेषकहरुले बताएका छन् ।

अमेरिकी केन्द्रीय बैंकले ब्याजदर स्थिर राख्ने निर्णय गरेको छ । जसका कारण समेत सुनको मूल्यमा प्रभाव परेको छ ।

यस्तै आज चाँदीको भाउ १०.५० प्रतिशत अर्थात ११ डलरले बढेर प्रतिऔंस ११७ डलरमा कारोबार भईरहेको छ ।