.gif)
_(1).gif)
.jpg)
.png)
काठमाण्डौ । सेयरबजारमा सामूहिक लगानी कोष अर्थात म्युचुअल फण्डहरुको ठूलो लगानी रहेको हुन्छ । हाल सञ्चालनमा रहेका ४४ वटा म्युचुअल फण्डहरुले सेयरबजारमा ३० अर्ब रुपैयाँ भन्दा बढी लगानी गरेका छन् ।
फण्डहरुले माघ महिनाको तुलनामा ४.७५ प्रतिशतले सेयरबजारमा लगानी थपेका छन् । म्युचुअल फण्डहरुले बजारमा लगानी थपघट गर्दा नेप्से परिसूचक नै घट्ने बढ्ने अवस्था आउन सक्छ ।
फण्डहरुले सेयरबजारमा करोडौं रकम लगानी गर्ने भएकाले नेप्से परिसूचक घटबढ हुँदा फण्डहरुको वित्तीय अवस्था नै फरक पर्न जान्छ । यदि सेयरबजारमा क्रमशः गिरावट आएको खण्डमा फण्डहरुको न्याभ र मुनाफा घट्ने निश्चित हुन्छ भने बढ्दा नाफासँगै न्याभ पनि बढ्ने पक्का हुन्छ ।
तर सेयरबजार घटबढले म्युचुअल फण्डहरुको लगानी निर्धारण गर्दैन । बजार जानकारहरुका अनुसार बजार घट्दा लगानी गर्न उचित समय मानिएपनि फण्डहरुले बजार बढ्दाको अवस्थामा पनि लगानी थपिरहेका हुन्छन् र घट्दो अवस्थाको बजारमा पनि लगानी घटाइरहेका हुन्छन् ।
म्युचुअल फण्डहरुले सेयरबजार विश्लेषण गरेर लगानी गर्ने रकम छुट्याई सूचीकृत कम्पनीहरुको स्टकमा लगानी गरिरहेका हुन्छन् । वित्तीय विवरणअनुसार म्युचुअल फण्डहरुले प्रतिशतका आधारमा बैंक तथा वित्तीय संस्था र बीमा कम्पनी र हाइड्रोका सेयरमा लगानी बढी गरेको देखिन्छ ।
फागुन महिनासम्ममा ६ वटा म्युचुअल फण्डहरुले सेयरबजारमा एक अर्ब रुपैयाँ भन्दा बढी लगानी गरेका छन् । जसमा तीनवटा म्युचुअल फण्ड एनएमबी क्यापिटल लिमिटेडद्वारा सञ्चालित छन् । एनएमबी सरल बचत फण्ड–ई, एनएमबी सुलभ इन्भेष्टमेन्ट फण्ड–२, एनएमबी–५०, एनआईबीएल सहभागीता फण्ड, सिद्धार्थ इक्विटी फण्ड र सानिमा इक्विटी फण्डको सेयरबजारमा अर्ब भन्दा बढी लगानी छ ।
यी ६ वटा म्युचुअल फण्डले लगानीको दायरा घटबढ गर्दा बजारमा उतारचढाव आउने सम्भावना रहन्छ । सेयरबजारमा ठूला कम्पनीमा गनिने दुई पुनर्बीमा कम्पनीका सेयरहरुमा यी फण्डहरुको ठूलो लगानी छ ।
वित्तीय विवरणअनुसार नेपाल पुनर्बीमा कम्पनी र हिमालयन रि इन्स्योरेन्सको सेयरमा यी ६ वटा म्युचुअल फण्डको लगानी २६ करोड ७ लाख रुपैयाँ छ ।
सेयरबजारमा अर्ब भन्दा बढी लगानी रहेका उक्त ६ वटा म्युचुअल फण्डमध्ये तीनवटा फण्ड सानिमा इक्विटी, एनएमबी–५० र एनआईबीएल सहभागीता फण्डले मात्रै नेपाल पुनर्बीमा कम्पनीको सेयरमा लगानी गरेका छन् । हिमालयन रि इन्स्योरेन्सको सेयरमा भने ६ वटै फण्डले लगानी गरेका छन् । यसआधारमा पनि नेपाल रि को दाँजोमा हिमालय रि इन्स्योरेन्सको सेयरमा लगानी गर्न म्युचुअल फण्डहरु बढी आकर्षित छन् ।
(1).gif)
हिमालयन रि इन्स्योरेन्सको सेयरमा मात्रै ६ वटा म्युचुअल फण्डहरुले गरेको लगानी रकम १५ करोड ३२ लाख रुपैयाँ छ भने नेपाल रि इन्स्योरेन्समा गरेको लगानी रकम १० करोड ७५ लाख रुपैयाँ छ ।
कुन फण्डको कति छ लगानी ?
सेयरबजारमा अर्ब भन्दा बढी लगानी रहेका ६ वटा म्युुचुल फण्डले हिमालयन रि र नेपाल रि इन्स्योरेन्सको सेयरमा २६ करोड रुपैयाँ भन्दा बढी रकम लगानी गरेका छन् ।
जसमा एनआईबीएल सहभागीता फण्डले नेपाल रि इन्स्योरेन्सको ५४ हजार ५३ कित्ता सेयरमा ४ करोड ५३ लाख रुपैयाँ लगानी गरेको छ । त्यस्तै, हिमालयन रि इन्स्योरेन्सको ७७ हजार ९८८ कित्ता सेयरमा ५ करोड ६८ हजार रुपैयाँ लगानी गरेको छ । माघ महिनाको तुलनामा फण्डको हिमालयन रि इन्स्योरेन्समा गरेको लगानीको मूल्याङ्कन रकम ४१.२९ प्रतिशतले बढेको छ भने नेपाल रि मा गरेको लगानीको मूल्याङ्कन रकम १.०१ प्रतिशतले घटेको छ ।
यसका साथै एनएमबी सरल बचत फण्ड–ई को हिमालयन रि इन्स्योरेन्समा २६ हजार ७५५ कित्ता सेयरमा २ करोड ३५ लाख रुपैयाँ लगानी छ । साथै सिद्धार्थ इक्विटी फण्डको हिमालयन रि इन्स्योरेन्सको २६ हजार ७८६ कित्ता सेयरमा १ करोड ७१ लाख रुपैयाँ लगानी छ ।
त्यस्तै, एनएमबी सुलभ इन्भेष्टमेन्ट फण्ड–२ ले पनि हिमालयन रि इन्स्योरेन्सको ३५ हजार ३५० कित्ता सेयरमा २ करोड २६ लाख रुपैयाँ लगानी गरेको छ । एनएमबी–५० ले भने दुबै पुनर्बीमा कम्पनीको सेयरमा लगानी गरेको छ । फण्डले नेपाल रि को ३६ हजार ४५५ कित्ता सेयरमा २ करोड ८७ लाख रुपैयाँ र हिमालयन रि इन्स्योरेन्सको ३५ हजार ३८ कित्ता सेयरमा २ करोड २४ लाख रुपैयाँ लगानी गरेको छ ।
त्यस्तै, सानिमा इक्विटी फण्डले पनि दुईवटै कम्पनीको सेयरमा लगानी गरेको छ । नेपाल रि इन्स्योरेन्सको ४५ हजार ९५७ कित्ता सेयरमा ३ करोड ६२ लाख रुपैयाँ र हिमालयन रि इन्स्योरेन्सको २६ हजार ७८५ कित्ता सेयरमा १ करोड ७१ लाख रुपैयाँ लगानी गरेको छ ।
माघ महिनाको तुलनामा उक्त फण्डहरुको नेपाल पुनर्बीमा कम्पनीमा गरेको लगानी रकमको मूल्याङ्कन रकम १.०१ प्रतिशतले घटेको छ भने हिमालयन रि इन्स्योरेन्समा गरेको लगानीको मूल्याङ्कन रकम ७.२४ प्रतिशतले घटेको छ ।
एनआइबीएल सहभागीता फण्डले हिमालयन रि मा लगानी बढाउँदै
सेयरबजारमा अर्ब भन्दा बढी लगानी रहेका उक्त ६ वटा म्युचुअल फण्डमध्ये एनआईबीएल सहभागीता फण्डले मात्रै हिमालयन रि इन्स्योरेन्समा लगानी थपेको छ । माघ महिनामा फण्डले हिमालयन रि इन्स्योरेन्सको कुल ५१ हजार २०० कित्ता सेयरमा कुल ३ करोड ५४ लाख रुपैयाँ लगानी गरेको थियो ।
फागुनमा उक्त लगानी ४१.२९ प्रतिशतले बढेर ७७ हजार ९८८ कित्ता सेयरमा कुल ५ करोड ६८ हजार रुपैयाँ लगानी गरेको छ । अन्य फण्डहरुले भने नेपाल रि र हिमालयन रि इन्स्योरेन्सको सेयरमा लगानी थपघट गरेका छैनन् ।
म्युचुअल फण्डहरुमध्ये सेयरबजारमा सर्वाधिक लगानी गर्नेमा एनआईबीएल सहभागीता फण्ड नै रहेको छ । फण्डले सूचीकृत सेयरमा कुल १ अर्ब ७२ करोड रुपैयाँ लगानी गरेको छ ।
.gif)
.png)
(1)(1).jpg)
(26).jpg)
.jpg)
.jpg)
.gif)
(1).gif)
.gif)
