(2).gif)
.png)
.png)
काठमाण्डौ । युनिक नेपाल लघुवित्त वित्तीय संस्था लिमिटेडले आगामी फागुन १३ गते सातौं वार्षिक साधारण सभा आयोजना गर्ने भएको छ । संस्थाको माघ १८ गते बसेको सञ्चालक समितिको बैठकले कोहलपुरमा रहेको होटल सेन्ट्रल प्लाजामा बिहान ११ बजेदेखि सभा आयोजना गर्ने निर्णय गरेको हो ।
संस्थाले गत आवका लागि कुनै पनि प्रकारको लाभांश नदिने निर्णय गरेकाले सभामा लाभांससँग सम्बन्धित कुनै पनि अजेण्डा पेश हुने छैन । सभामा अन्य कुनै लघुवित्तसँग एक आपसमा गाभ्ने/गाभिने तथा प्राप्तिसम्बन्धी उपयुक्त प्रस्ताव आएमा सोसँग सम्बन्धित सम्पूर्ण कार्य गर्नका लागि सञ्चालक समितिलाई पूर्ण अख्तियारी प्रदान गर्ने विशेष प्रस्ताव पारित गरिनेछ ।
यस्तै सञ्चालक समितिको तर्फबाट अध्यक्षद्वारा प्रस्तुत गरिने गत आवको वार्षिक प्रतिवेदनमाथि छलफल गरी पारित गरिनुका साथै लेखापरीक्षकको प्रतिवेदनसहित गत असार मसान्तसम्मको वासलात,नाफा नोक्सान हिसाब नगद प्रवाह विवरण पारित गरिनेछ ।
चालु आवका लागि लेखापरीक्षकको नियुक्ती तथा निजको पारिश्रमिक निर्धारण गर्ने तथा एकजना सर्वसाधारण सेयरधनीको मनोनयनलाई अनुमोदन गर्ने प्रस्ताव समेत सभाबाट पारित हुनेछ ।
साधारण सभा प्रयोजनका लागि संस्थाले फागुन ६ गते एक दिनका लागि बुक क्लोज गर्ने निर्णय गरेको छ ।
.png)
.jpg)
.png)
.jpg)
