सुनको मूल्य घट्ने क्रम जारी, प्रतिऔंस कति डलर पुग्यो ?

काठमाण्डौ । अन्तर्राष्ट्रिय बजारमा सुनको मूल्य घट्ने क्रम जारी रहेको छ । आजको कारोबारमा सुनको मूल्य १.३३ प्रतिशत अर्थात ६६ डलरले घटेको छ ।

यो गिरावटसँगै आज अन्तर्राष्ट्रिय बजारमा सुनको कारोबार प्रतिऔंस ४ हजार ९२८ डलरमा भईरहेको छ । केही समयअघि प्रतिऔंस ६ हजार डलर नजिक पुगेको सुनको मूल्य पछिल्लो समय निरन्तर घटिरहेको छ । डलर बलियो बन्नु, विश्व भू–राजनीतिमा केही सहजता आउनु र लगानीकर्ताले नाफा बुक गर्नु जस्ता कारणले पछिल्लो समय सुनको भाउ खस्किएको छ ।  

यस्तै आज चाँदीको मूल्यमा समेत गिरावट आएको छ । चाँदी आज २.१२ प्रतिशत अर्थात १.६१ डलरले घटेको छ । यो घटाईसँगै चाँदीको भाउ प्रतिऔंस ७५ डलर पुगेको छ ।