एशियाली सेयरबजारमा सुधारको संकेत

काठमाण्डौ । बिहीवार बिहान एशियाका सेयरबजारमा केही सुधारका संकेतहरु देखिएका छन् । आइतबारदेखि इजरायल र अमेरिकी आक्रमणपछि आएको तीव्र गिरावटपश्चात आज प्रमुख एशियाली सेयरबजारमा सुधार देखिएको हो ।

दक्षिण कोरियाको सेयरबजार मापक सूचकांक कोस्पी इन्डेक्स आज बिहान १० प्रतिशतले बढेको छ। बुधबार भने कोस्पी इन्डेक्समा एक दशककै उच्च गिरावट देखिएको थियो । उक्त दिन कोस्पी १२ प्रतिशतले घटेको थियो।

कोस्पी ८ प्रतिशत भन्दा बढी घट्दा कारोबार अस्थायी रूपमा रोकिएको थियो ।

यस्तै आज जापानको सेयरबजार निक्की २२५ इन्डेक्स पनि ४ प्रतिशतले बढेको । बुधबार भने निक्की इन्डेक्स ३.६ प्रतिशतले घटेको थियो । हङकङको हाङसेङ इन्डेक्स पनि आज ०.८४ प्रतिशतले बढेको छ ।