धौलागिरी लघुवित्तले लाभांश वितरण नगर्ने

काठमाण्डौ । धौलागिरी लघुवित्त वित्तीय संस्था लिमिटेडले कुनै खालको लाभांश वितरण नगर्ने निर्णय गरेको छ ।  

संस्थाको फागुन २७ गते बसेको संचालक समितिको बैठकले गत आवको लागि सेयरधनीहरुलाई कुनै खालको लाभांश नबाँड्ने निर्णय गरेको हो ।  

साथै सोही आवको बाह्य लेखापरीक्षण प्रतिवेदन सहित असार मसान्तसम्मको वासलात, सोही आवको नाफा नोक्सान हिसाब, नगद प्रवाह विवरण संचालक समितिबाट स्वीकृत भई वार्षिक साधारण सभा प्रयोजनका लागि नेपाल राष्ट्र बैंकमा पेश गर्ने संस्थाले जनाएको छ ।