.gif)
_(1).gif)
.jpg)
.png)
काठमाण्डौ । साताको पहिलो कारोबार दिन आज नेपाल स्टक एक्सचेञ्च(नेप्से) मा दोहोरो अंकको वृद्धि भएको छ । आज नेप्से परिसूचक १.१३ प्रतिशत अर्थात २२.७५ अंकले बढेर २०२६.८१ विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि १.११ प्रतिशतले बढेर ३५९.४० विन्दुमा पुगेको छ । यो दिन नेप्सेमा सूचीकृत मध्ये ३११ वटा कम्पनीको १ करोड १२ लाख १० हजार १०२ कित्ता सेयर ४ अर्ब २५ करोड ६६ लाख रुपैयाँभन्दा बढीको कारोबार भएको छ ।
आजको बजारबारे बजार जानकार महेश रिजाल भन्छन्,‘आजको बढोत्तरीले चैत मसान्तको प्रभाव सकिएको भन्न सकिन्छ । बजेटको बहस पनि सुरु भईसकेको छ । मौद्रिक नीतिमा पनि केहि हेरफेर हुने विश्वास गर्न सकिन्छ । पर्ख र हेरको अवस्थामा बसेका ट्रेडर र अन्य सबै लगानीकर्ता पनि बजार प्रवेश गरेको देखिन्छ ।’
हालका लागि बजारको बटम लाइन २ हजार नै भएको रिजाल बताउँछन् ।
अर्का बजार जानकार विरेन्द्र विष्ट पनि चैत मसान्तको प्रभाव अन्त्य भएकाले बजारमा सुधार देखिएको बताउँछन् । ‘आज बजारमा बिक्री दबाब कम भएकाले बजरा बढेको हो । बजार अब यो विन्दुभन्दा तल जादैन । बजारको बटम लाइन २ हजार विन्दु हो ।’ उनले भने ।
यो दिन नेप्सेमा सूचीकृत १३ वटा समूहमध्ये ११ वटा समूहमा हरियाली छायो भने २ वटा समूहमा रातो पोतियो । आज वित्त समूह सर्वाधिक अर्थात ५.९५ प्रतिशतले बढेको छ । बैंकिङ समूह ०.५८ प्रतिशतले बढेको आज विकास बैंक ३.१६,हाईड्रो १.१६,लगानी ०.६०,जीवन बीमा १.४२,उत्पादन तथा प्रशोधन १.७२,लघुवित्त ०.६९,म्युचुअल फण्ड ०.०७,निर्जीवन बीमा ०.८८ र अन्य समूह १.३५ प्रतिशतले बढे ।
(1).gif)
आज होटल्स एण्ड टुरिजम र व्यापार समूहमा मात्रै गिरावट आयो । यी समूह क्रमशः०.०८ प्रतिशत र ०.०४ प्रतिशतले घटे ।
धेरै कारोबार गर्ने कम्पनीहरु
यो दिन नेपाल पुनर्बीमा कम्पनीको प्रमोटर सेयरको सर्वाधिक कारोबार भयो । आज यो कम्पनीको प्रमोटर सेयरको ९५ करोड २० लाखको कारोबार भएको छ ।
यस्तै गोर्खाज फाइनान्सको १९ करोड ४ लाख,सूर्यज्योति लाइफको ११ करोड २९ लाख,सर्वोत्तम सिमेन्टको ९ करोड ९३ लाख र नेपाल फाइनान्सको ८ करोड ७९ लाख बढीको सेयर कारोबार भएको छ ।
धरै कमाउने र गुमाउने कम्पनीहरु
आज ७ वटा कम्पनाीको सेयरमूल्यमा सकारात्मक ससर्कट लागेको छ । आज नेपाल फाइनान्स,पोखरा फाइनान्स,जानकी फाइनान्स र गुराँस लघुवित्तको सेयरमूल्य १० प्रतिशतले बढ्यो ।
त्यस्तै मानुषी लघुवित्तको सेयरमूल्य ९.९९ प्रतिशत,विन नेपाल लघुवित्तको ९.७४ र दोल्ती लघुवित्तको सेयरमूल्य ९.५५ प्रतिशतले वृद्धि भएको छ ।
आज तारागाँउ रिजेन्सी होटलको सेयरमूल्यमा सर्वाधिक गिरावट आएको छ । यो कम्पनीको सेयरमूल्य १० प्रतिशतले घट्यो । यो दिन कालिका लघुवित्तको सेयरमूल्य ४.३५ प्रतिशत र सूर्यज्योति लाइफको सेयरमूल्य २.७६ प्रतिशतले घट्यो ।
.png)
.png)
(64).jpg)
.jpg)
(83).jpg)
.gif)
(1).gif)
.gif)
