.gif)
_(1).gif)
.png)
काठमाण्डौ । हिन्डनबर्ग रिसर्चको प्रतिवेदन सार्वजनिक भएसँगै यसको फाइदा भारतीय धनाढ्य गौतम अडानी र उनको समूहलाई पुगेको छ । यो प्रतिवेदन सार्वजनिक भएपश्चात अडानी समूहको कारोबारलाई फाइदा पुगेको छ ।
अमेरिकी सर्ट सेलर हिन्डनबर्गले अडानी समूहमाथि सेयर बजारमा चलखेल गरेको आरोप लगाएको थियो । जुन आरोपलाई अडानी समूहले नकारेको थियो । उक्त आरोप लागेपछि अडानी समूह बलियो आधारभूत पक्षका कारण अझै मजबुत तरिकाले उदाएको छ ।
(1).gif)
यो प्रतिवेदनपश्चात अडानी समूहले आफ्नो सबै कम्पनीहरुको कर्जा घटाउनतर्फ ध्यान केन्द्रित गरेको छ । यति मात्रै नभई समूहमा अमेरिका देखि मध्य–पूर्वका देशहरुबाट समेत लगानी भित्रियो । अडानी समूहलाई ठूला–ठूला प्रोजेक्टहरु प्राप्त भए । अडानी समूहले अहिले आफ्नो रणनीतिमा ठूलो सुधार गरेको छ । उसले आफ्ना लगानीकर्ता र कर्जादाताहरुसँग प्रत्यक्ष संवाद स्थापित गरेको छ र उनीहरुलाई प्रत्येक निर्णयको विस्तृत जानकारी उपलब्ध गराउन थालेको छ । अडानी समूहले भारतको आर्थिक राजधानी मुम्बईमा नयाँ विमानस्थल निर्माण गरिरहेको छ ।
हिन्डनबर्गको प्रतिवेदनको प्रभाव अहिलेसम्म परिरहेको छ । यद्यपी अडानी समूहको सेयरहरुमा गत वर्षको न्यूनतम स्तरभन्दा ९० करोड डलर भन्दा बढी वृद्धि देखिएको छ । तर अहिलेपनि यसको भ्यालुएसन हिन्डनबर्गको विवादभन्दा अघिको स्तरबाट ६० करोड डलर तल छ ।
यस बीचमा समूहको अधिकांस डलर बोन्डस्को घाटा रिकभरी भएको छ । विपक्षी पार्टीहरुले गौतम अडानीको प्रधानमन्त्री नरेन्द्र मोदिसँगको निकटता र उनको अफसोर कम्पनीहरुमाथि प्रश्न उठाउँदै आईरहेका छन् । अडानी समूहको पोर्टस बिजनेशका अडिटर्सहरुले गत वर्ष राजीनामा दिएका थिए ।
जसका कारण अडानी समूहको लेखा प्रणालीप्रति प्रश्न उठाइएको थियो । समूहका प्रतिनिधिहरुले यस विषयमा कुनै प्रतिक्रिया दिएका छैनन् । उनीहरुले सबै नियमको पालना गरेको सबै लेखाका नियमहरु पालना गरेको बताएका छन् । -एजेन्सी
.gif)
.png)
(1).jpg)
(1)(1).jpg)
.jpg)
.jpg)
.gif)
.gif)
