.gif)
_(1).gif)
.jpg)
.png)
काठमाण्डौ । एलन मस्क र ब्राजिलको सर्वोच्च अदालतबीचको विवाद झन गहिरिएको छ । आइतबार ब्राजिलको सर्वोच्च अदालतले अमेरिकी धनाढ्य तथा एक्स(पहिलेको ट्विटर)का मालिक मस्कविरुद्धको अनुसन्धान सुरु गरेपछि बताएपछि विवाद बढेको हो ।
मस्कले ब्राजिलको अदालतले बन्द गर्न निर्देशन दिएका अकाउन्टहरु पुनःसक्रिय पार्ने बताए पछि अदालतले अनुसन्धान सुरु गरेको हो । आफुलाई स्वतन्त्र अभिव्यक्तिको पक्षधर बताउने मस्कले ब्राजिलको सर्वोच्च अदालतका प्रधानन्यायधिस अलेक्जेण्डर डि मोराइसको निर्देशनलाई चुनौति दिएका छन् ।
(1).gif)
मस्कले अदालतको निर्णय असंवैधानिक भएको भन्दै बन्द गर्न निर्देशन दिएका सबै अकाउन्टहरुमाथिको प्रतिबन्ध हटाउने बताएका छन् । यसका साथै उनले मोराइसको राजीनामा समेत माग गरेका छन् ।
कुन सोसल मिडिया अकाउन्टहरु बन्द गर्न निर्देशन दिइएको हो भन्ने बारे भने मस्क र ब्राजिलका अधिकारीहरुले केहि खुलाएका छैनन् ।
मस्कमाथि एक्स प्लेटफर्मलाई आपराधिक हतियारको रुपमा प्रयोग गरेको विषयमा अनुसन्धान गरिने जनाइएको छ । एक्समार्फत ब्राजिलका पूर्व राष्ट्रपति जेयर बोल्सोनारोविरुद्ध गलत खबर फैलाएको आरोप लागेको छ । ब्राजिलका एक्स प्रयोगकर्ताले एक्समार्फत गलत र भड्काउन खबर सम्प्रेषण गरेकाले अदालतले ती प्रयोगकर्तामाथि प्रतिबन्ध लगाउन निर्देशन दिएको थियो ।
.png)
.jpg)
.jpg)
.jpg)
.gif)
(1).gif)
.gif)
