मध्यपूर्व तनावबीच कच्चा तेलको मूल्य चार वर्षयताकै उच्च

काठमाण्डौं । मध्यपूर्वमा जारी युद्ध र भू(राजनीतिक तनावका कारण अन्तर्राष्ट्रिय बजारमा कच्चा तेलको मूल्य चार वर्षयताकै उच्च स्तरमा पुगेको छ।

द गार्जियनका अनुसार कच्चा तेलको मूल्य प्रतिब्यारेल १२६ अमेरिकी डलर नाघेको छ।

अमेरिकाका राष्ट्रपति डोनाल्ड ट्रम्पले इरानविरुद्धको नाकाबन्दी थप लम्ब्याउने संकेत दिएपछि मात्र २४ घण्टाभित्र तेलको मूल्य १३ प्रतिशतभन्दा बढीले वृद्धि भई सन् २०२२ यताकै उच्च स्तरमा पुगेको हो।

विश्व बजारमा कच्चा तेलको प्रमुख मापदण्ड मानिने ब्रेन्ट क्रुडको मूल्य बुधबार प्रतिब्यारेल १२० डलरभन्दा माथि पुगेको छ।

सन् २०२२ मा रुस–युक्रेन युद्धका क्रममा ब्रेन्ट तेलको मूल्य प्रतिब्यारेल १३९ डलरसम्म पुगेको थियो।

त्यसपछि भने मूल्य क्रमशः घट्दै गएको थियो। गत फेब्रुअरी २८ मा अमेरिका–इजरायलबीच इरानविरुद्ध युद्ध शुरु भएपछि ब्रेन्ट तेलको मूल्य सामान्यतया १२० डलरभन्दा तल रहँदै आएको थियो।

तर, ट्रम्पले इरानी बन्दरगाहमाथिको नाकाबन्दी लम्ब्याउने घोषणा गरेसँगै बुधबार कच्चा तेलको मूल्य पुनः तीव्र रूपमा बढेर हालसम्मकै उच्च स्तरमा पुगेको हो। 

एजेन्सी