जापानको सेयरबजारले बनायो रेकर्ड, पहिलोपटक पार गर्यो ६३ हजार विन्दुको आँकडा

काठमाण्डौ । जापानको सेयरबजार हालसम्मकै उच्च विन्दुमा पुगेको छ । आज जापानको सेयरबजार मापक निक्की२२५ इन्डेक्स पहिलोपटक ६३ हजार विन्दुमाथि पुगेको छ । जापानको वसन्तकालिन बिदा समाप्त भएसँगै खुलेको निक्की२२५ इन्डेक्समा आज ५.५८ प्रतिशतको वृद्धि देखियो । ३ हजार ३२० अंकको बढोत्तरीका साथ आज निक्की२२५ इन्डेक्स ६२ हजार ८३३ विन्दुमा कायम भयो ।

इन्ट्रा डे कारोबारमा भने निक्की२२५ इन्डेक्स ३५ सय अंकले बढेको थियो । जुन एकैदिनमा देखिएको हालसम्मकै उच्च वृद्धि हो । इन्ट्रा डेमा निक्की२२५ इन्डेक्स ६३ हजार विन्दुमाथि पुगेको थियो । 

अमेरिका र इरानबीचको तनाव मत्थर हुने सम्भावनका बीच जापानको सेयरबजारमा हरियाली छाएको जापानका मिडियाले लेखेका छन् । यसका साथै सेमिकन्डक्टरसँग सम्बन्धित कम्पनीहरुको सेयरमूल्यमा आएको उछालका कारण समेत निक्की२२५ इन्डेक्सको वृद्धिमा टेवा पुगेको छ ।

वसन्तकालिन बिदाका कारण येनको मूल्यमा आएको तीव्र वृद्धिले समेत जापानी अधिकारीहरुले विदेशी विनियम बजारमा हस्तक्षेप गर्न सक्ने अनुमानलाई बल पुर्याएको छ ।