.png)
काठमाण्डौ । पूर्वअर्थमन्त्री प्रकाश शरण महत ले सरकारले अब संरचनागत सुधारमा आँट गर्नुपर्ने बताएका छन्।
उनले सामाजिक सुरक्षा भत्ता सम्पन्न वर्गलाई दिन रोक्नुपर्ने र नचाहिने सरकारी संरचना हटाउनुपर्ने सुझाव दिए।
नेपाल एयरलाइन्सबारे बोल्दै उनले आफूले निजीकरण मोडलमा लैजान खोज्दा सफल हुन नसकेको स्वीकार गरे। “मैले गर्न नसकेको काम तपाईं गरिहाल्नुस्,” भन्दै उनले अर्थमन्त्री वाग्लेलाई चुनौती दिए।
सरकारी उद्योग र जमिन निजी क्षेत्रलाई लिजमा दिएर सञ्चालन गर्नुपर्ने सुझाव दिँदै उनले उत्पादन बढाउन नसक्ने राज्य संरचना बोझ बन्दै गएको बताए।
ठूला ठेक्कामा सीमित व्यवसायीको मिलेमतो हुने गरेको आरोप लगाउँदै पाँच अर्बभन्दा माथिका ठेक्का टुक्र्याएर प्रतिस्पर्धा बढाउनुपर्ने धारणा राखे।
उत्पादनका आधारमा मात्रै कृषि अनुदान दिने नीति लिनुपर्ने तथा आयातित कृषि उपजमा भ्याट लगाउनुपर्ने सुझाव पनि उनले दिए।
.png)
.jpg)
